Amosi 7:17 - ÎVUKU RÎA ÛVORO MWARO

¹⁷ Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”

Amosi 7:17 ပူးပေါင်းရင်းမြစ်များ

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Thaburi 78:55

Wa ûrîa andû ake maatonyaga vûrûrirî ûcio, nwaguo eengataga andû arîa maatûûraga kuo; nîwagaîre mîvîrîga ya Isiraeli vûrûri ûcio, na agîtûma andû a Isiraeli matûûre magemarî ma andû acio.

Isaia 13:16

Ciana ciao cia ngenge nîikaaûragwa wa makîyonagîra; indo cia nyomba ciao nîigaatavwa, na aka ao mamenywe kîîmwîrî na vinya.”

Isaia 22:18

Agaakûnyita akûthiûrûrûkie, acoke aguikie ta mûvira na agwikie vûrûrirî mwariî. Kûu nîkuo ûgaakuîra ûrî vakuvî na ikaari ciaku cia mbaara icio wîtîîaga nacio. We wî gîconoko kûrî nyomba ya mwathi waku.

Jeremia 14:16

Nao andû arîa marathîra maûndû mama nîmakaûragwa na njîra wata îo. Ciimba ciao nîigaatewa njîrarî cia Jerusalemu, na gûtirî mûndû ûkaithika, aka ao, avîcî ao na erîtu ao, nîngaamaverithia nîûndû wa waganu wao.

Jeremia 20:6

Nawe Pashuri, na andû onthe arîa matûûraga nyomba gwaku, nîmûgaatavwa mûvirwe Babuloni mûrî ngombo. Kûu nîkuo we na arata aku onthe arîa wavecaga ûrathi wa maveeni mûgakuîra na mûthikwe.’ ”

Jeremia 28:12

Vuva wa mûrathi Hanania kunanga îcoki kuuma ngingorî ya mûrathi Jeremia, ndûmîrîri ya Ngai-Mûnene nîyakinyîre Jeremia akîrwa:

Jeremia 28:16

Kwoguo Ngai-Mûnene arauga atî nîagûkûthengutia gûkû nthî. Mwaka ûyû ûtanathira nîûgûkua nîûndû nîwîrîte andû maregane na Ngai-Mûnene.”

Jeremia 29:21

“Ngai-Mûnene mwene vinya wonthe, Ngai wa Isiraeli nîarîtie ûvoro wîgiî Ahabu mûvîcî wa Kolaia na Zedekia mûvîcî wa Maaseia, arîa mararatha maûndû ma maveeni na rîîtwa rîakwa: Nîngûmanenganîra kûrî Nebukadinezarû Mûthamaki wa Babuloni nake nîakamaûraga mûkîonaga.

Jeremia 29:25

“Ngai-Mûnene mwene vinya wonthe, Ngai wa Isiraeli augîte atî, we nîûtûmîte maarûa na rîîtwa rîaku kûrî andû onthe arîa marî Jerusalemu na kûrî mûthînjîri-Ngai Zefania mûvîcî wa Maaseia, na kûrî athînjîri-Ngai arîa engî onthe ûkiugaga atî:

Maca 5:11

Nthû cietû inyitaga aka etû na vinya kûu Zayuni, na makanyita erîtu etû na vinya kûu matûûrarî ma Juda.

Ezek 4:13

Ngai-Mûnene aaugire atîrî, “Ûguo nîguo andû a Isiraeli makaarîcaga mîgate îtarî mîtîkîrie nî watho kûrîwa rîrîa makethîrwa marî mavûrûrirî mageni kûrîa ngaamavira.”

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Amosi 6:7

Kwoguo mûkethîrwa mûrî a mbere kûthiî îthamîriorî, na irugo cia arîa mekaraga magangarîte nîikaathira.

Amosi 7:11

Ethîrîtwe akiuga atî Jeroboamu nîakaaûragwa na rûviû, nao andû a Isiraeli nîmagaatavwa kuuma vûrûrirî wao mavirwe îthamîriorî.”

Amosi 8:1

Ngai-Mûnene nîwamonirie kîoneki kîngî: Nînonire gîkavu gîcûrîte matunda ma vîndî ya riûa.

Amosi 9:1

Nînonire Ngai-Mûnene arûngamîte metharî ya kîgongoona. Nake nîwathanire atîrî, “Ringa ciongo cia itugî cia hekarû na vinya mûno, nginya mîcingi yayo inaine, mîomomore îgwîre andû arîa marî kuo, na arîa magatigara nîngaamaûraga na rûviû. Gûtirî mûndû wa naarî ûmwe ûkauma kuo, gûtirî wanarî ûmwe ûkaûra.

Amosi 9:8

Nie Ngai-Mûnene nîndoretie ûthamaki mwîvia wa Isiraeli, nîngaûcûkangia ûthire gûkû nthî, nwatî ndikaathiria nyomba ya Jakovu viû.

Mika 1:16

Andû a Juda enjani njuîrî cienyu mûtigwe mûrî irîa mûrîrîre ciana cienyu irîa mwendete, neneviani ivara cienyu ciîkare ta cia nderi, nîûndû ciana nîigaatavwa ivirwe îthamîriorî.

Zakaria 14:2

Ngai-Mûnene nîagaacokanîrîria ndûrîrî vamwe itharîkîre Jerusalemu. Îtûûra rîa Jerusalemu nîrîgaatavwa, na indo itavwe. Aka manyitwe mamenyanwe nao kîîmwîrî na vinya. Nuthu ya andû a Jerusalemu mavirwe îthamîriorî, nwatî nuthu îo îngî ndîkaauma îtûûrarî rîa Jerusalemu.