Amosi 7:15 - ÎVUKU RÎA ÛVORO MWARO

¹⁵ Ngai-Mûnene nîwandutire wîrarî wakwa wa kûrîthia akîmbîra mbûke ndathîre andû ake a Isiraeli.

Amosi 7:15 ပူးပေါင်းရင်းမြစ်များ

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Atha 19:19

Elija nîwaumire vau, akîthiî na akîthîrîria Elisha mûvîcî wa Shefati akîrîma na ikundi îkûmi na igîrî cia ndegwa; ikundi îkûmi na kîmwe ciarî mbere yake, nwatî ke mwene aarîmaga na gîkundi gîa îkûmi na igîrî. Elija nîwavîtûkîrîre vakuvî na Elisha, akîruta nguo yake na agikîria Elisha yo.

Jeremia 1:7

Nwatî Ngai-Mûnene nîwambîrire atîrî, “Ndûkauge atî wî mûndû mwîthî; nwanginya ûthiî kûrî andû arîa ngûgûtûma kûrî o, na ûmeere ûrîa wonthe ngûkwatha.

Jeremia 26:12

Jeremia nîwacokire akîarîria anene na andû onthe akîmeera atîrî, “Ngai-Mûnene nîwandûmire ndathîre hekarû îno na îtûûra rîîrî maûndû mau monthe mwegua.

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Mathaayo 9:9

Nake Jesû nîwaumire kûu, na arî njîrarî athiîte nîwonire mûndû wetagwa Mathaayo warutaga wîra wa gwîtia mbia cia gooti ekarîte nthî wavicirî yake. Jesû nîwamwîrire atîrî, “Nûmîrîra.” Nake Mathaayo nîwarûngamire na akîmûrûmîrîra.

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 4:20

Nîûndû tue tûtingîtiga kwaria ûvoro wîgiî maûndû marîa twonete na twîguîte.”

Ciîko 5:20

“Thiîni mûrûngame hekarûrî na mwîre andû maûndû monthe megiî mûtûûrîre ûyû mûcerû.”

1Sam 10:11

Nao andû onthe arîa maamwicî mbere mona agîka ûguo nîmaambîrîrie kûrania wa mûndû na ûrîa wîngî atîrî, “Nîkwa mûriû wa Kishu ekara atîa? Nîkwa Saûlo wanake arî ûmwe wa arathi?”