Amosi 7:11 - ÎVUKU RÎA ÛVORO MWARO

¹¹ Ethîrîtwe akiuga atî Jeroboamu nîakaaûragwa na rûviû, nao andû a Isiraeli nîmagaatavwa kuuma vûrûrirî wao mavirwe îthamîriorî.”

Amosi 7:11 ပူးပေါင်းရင်းမြစ်များ

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Thaburi 56:5

Nthû ciakwa indetagîre thîna vîndî cionthe; vîndî cionthe mavangaga ûrîa mangîmbîka naaî!

Jeremia 26:9

Nîndûî gîatûma ûrathe ûkîgwetaga rîîtwa rîa Ngai-Mûnene ûkiugaga ‘hekarû îno îgekara ta Shilo, na îtûûra rîîrî nîrîgûcûkangua rîtuîke îganjo na rîtigwe gûtarî mûndû wa gûtûûra kuo.’ ” Nao andû onthe nîmaagomanire marigicîrîtie Jeremia kûu hekarûrî.

Jeremia 36:16

Na rîrîa meegwire ciugo cionthe, nîmaroranirie marî na guoya na makîra Baraki atîrî, “Nwanginya twîre mûthamaki maûndû mau monthe twegua.”

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Amosi 7:10

Amazia mûthînjîri-Ngai wa îtûûra rîa Betheli nîwavirîre mûthamaki Jeroboamu wa Isiraeli ndûmîrîri îno: “Amosi nîavangîte ûndû mûcûku gatagatî gaku na andû a Isiraeli. Maûndû marîa ethîrîtwe akîaria nwa macûkangie vûrûri ûyû.

Amosi 7:12

Amazia nîwacokire akîîra Amosi atîrî, “We Mûrathi, uma gûkû ûthiî vûrûri wa Juda, ûrîcage irio kuo na ûrathage maûndû ûrî kuo.

Amosi 7:9

Kûrîa gûtûgîru njiarwa cia Isaka igoocagîra nîngaagûcûkangia viû, nacio nyomba irîa nyamûre cia andû a Isiraeli igatuîka maganjo na nîngaatharîkîra nyomba ya Jeroboamu na rûviû rwa njûra.”

Mika 1:16

Andû a Juda enjani njuîrî cienyu mûtigwe mûrî irîa mûrîrîre ciana cienyu irîa mwendete, neneviani ivara cienyu ciîkare ta cia nderi, nîûndû ciana nîigaatavwa ivirwe îthamîriorî.

Mathaayo 26:61

na makiuga atîrî, “Mûndû ûyû aaugire atî nwa avote kwomomora hekarû ya Ngai na amîtume rîngî na mîthenya îthatû.”

Ciîko 6:14

Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”