Amosi 6:7 - ÎVUKU RÎA ÛVORO MWARO

⁷ Kwoguo mûkethîrwa mûrî a mbere kûthiî îthamîriorî, na irugo cia arîa mekaraga magangarîte nîikaathira.

Amosi 6:7 ပူးပေါင်းရင်းမြစ်များ

Esita 5:8

Ethîrwa nîngwîtîkîrîka nîwe we mûthamaki wakwa, na ethîrwa nîwonete kwagîrîrîte ûvingie îvoya rîakwa, nîrenda we mûthamaki vamwe na Hamani mûkethîrwa mûrî îrugarî rîakwa rûyû rîrîa ngaavarîria nîûndû wenyu. Vîndî îo nîrîo ngaamwîra kîrîa nîrenda.”

Isaia 21:4

Ngoro yakwa nî îratumatuma, na nîrîmwîcûre nî guoya. Nîneriragîria kîvwaî gîkinye, nwatî rîrîa gîakinyire nîgîatûmire minaine.

Isaia 24:8

Mîgambo ya tamburini nî mîthiru, înegene rîa gîkeno nî rîthiru, mîgambo ya ngita nî mîthiru.

Danieli 5:30

Ûtukû wa mûthenya ûcio, Belishazaru, mûthamaki wa Babuloni nîwaûragirwe,

Amosi 4:3

Mûgakururua nginya kûrîa kûrî na mîanya rûthingorî mwikue na nja. Ûguo nîguo Ngai-Mûnene arauga.”

Amosi 5:27

Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.

Amosi 5:5

Mûtikaathiî Beeri-shiba kûgooca. Mûtikanjarie kûu Betheli nîûndû Betheli nîgaacûkangua kana mûthiî Giligali nîûndû nwanginya mathiî îthamîriorî.”

Amosi 7:11

Ethîrîtwe akiuga atî Jeroboamu nîakaaûragwa na rûviû, nao andû a Isiraeli nîmagaatavwa kuuma vûrûrirî wao mavirwe îthamîriorî.”

Amosi 7:17

Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Gûco 28:41

Nîmûkaagîa na anake na erîtu, nwatî matikethîrwa marî enyu nîûndû onthe nîmagaatavwa.