Amosi 6:2 - ÎVUKU RÎA ÛVORO MWARO

² Tathiîni îtûûra rîa Kaline mûkeyonere, na mûthiî îtûûrarî înene rîa Hamathi, na mûnyûrûrûke mûkinye îtûûrarî rîa Gathu vûrûrirî wa a Filisiti. Nîkwa maarî maro gûkîra mothamaki mama, kana nîkwa vûrûri wao ûrî mûnene gûkîra wenyu?

Amosi 6:2 ပူးပေါင်းရင်းမြစ်များ

Kîam 10:10

Ûthamaki wake wambîrîrîtie Babuloni, Ereki, Akadi. Matûûra mau monthe maarî vûrûrirî wa Babuloni.

2Sam 8:9

Rîrîa Toi mûthamaki wa Hamathi eegwire atî Daudi nîwavooteete athigari onthe a mbaara a Hadadezeri,

1Atha 8:65

Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.

2Atha 17:24

Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 17:30

Andû a Babuloni nîmaarûthire mûvuanano wa Sukothi-benothi; andû a Kuthi makîrûtha mûvuanano wa Nerigali; andû a Hamathi nîmaarûthire mûvuanano wa Ashima;

2Atha 18:34

Irî kû ngai cia Hamathi na Aripadi? Irî kû ngai cia Sefarivaimu, Hena, na Iva? Nîivonoketie andû a Samaria kuuma kûrî nie?

2Atha 19:13

Athamaki a Hamathi, Aripadi, mûthamaki wa îtûûra rînene rîa Sefarivaimu, na mûthamaki wa Hena na Iva marî kû?”

2Maû 26:6

Uzia nîwarûire na Afilisiti na akîomomora nthingo irîa ciairigîrîte îtûûra rîa Gathu, Jabune na îtûûra rîa Ashidodi. Nîwacokire agîtuma matûûra mengî manene vakuvî na Ashidodi na kûndû kwîngî vûrûrirî wa Filisiti.

Jeremia 49:23

Ûvoro wîgiî Damesiki Ngai-Mûnene arauga atîrî, “Andû a matûûra ma Hamathi na Aripadi nîmamakîte, nîûndû nîmeguîte maûndû macûku. Marainaina nî guoya, ta îria rîkinaiana, na rîtingîvorera.

Nahumu 3:8

We Nineve nîwe mwaro gûkîra Thebesi, îtûûra rînene rîrîa rîtumîtwe vakuvî na rûnjî rwa Nilo? Thebesi yathiûrûrûkîrîtue nî manjî, îria rîarî mûciî wake, na manjî marî rûthingo rwake.

1Sam 17:23

Wa akîaragia nao, Goliathu nîwaumîre mbere na akîaria wata ûrîa aaragia mbere. Na Daudi nîwamwîguire.

1Sam 17:4

Nakuo kûu Afilisiti maambire magema mao nîkwaumire njamba îmwe yetagwa Goliathu ûrîa warî wa kuuma îtûûra rîa Gathu. Goliathu aarî na ûraca wa mita ta ithatû.

1Sam 5:10

Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”

1Sam 5:8

Kwoguo nîmaatûmire anjaama mathiî magete athamaki onthe atano a Afilisiti maûke vamwe. Nao nîmaaûririe athamaki acio atîrî, “Rîu nîtwîka atîa na îthandûkû rîrî rîa Kîrîkanîro rîa Ngai wa Isiraeli?” Nao athamaki makiuga atîrî, “Ocani Îthandûkû rîa Ngai wa Isiraeli na mûrîvire Gathu.” Kwoguo nîmaakuire îthandûkû rîa Ngai wa Isiraeli na makîrîvira Gathu; Gathu rîarî îtûûra rîngî rîa kûu Filisiti.