Amosi 5:26 - ÎVUKU RÎA ÛVORO MWARO

²⁶ Mue nîmûgaakuua mûvuanano wa Sakuthi mûthamaki wenyu, na mûvuanano wa ngai yenyu ya njata, indo irîa mue mwerûthîrîte.

Amosi 5:26 ပူးပေါင်းရင်းမြစ်များ

1Atha 11:33

Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

Ezek 20:16

nîûndû nîmaaregire mawatho makwa na makîrega kûrûmîrîra irîra ciakwa. Ngoro ciao cierirîrie kûgooca mîvuanano na makîrega kûva thavatû ciakwa gîtîîo.

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Amosi 5:27

Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.

Ciîko 7:43

Mue mwakuîte îgema rîa ngai îrîa yetagwa Moleku, na mûgakuua mûvuanano wa ngai ya njata îrîa yetagwa Refani; mîvuanano îo nîyo mwarûthîte nîguo mûmîgoocage. Kwoguo, nîngaamûvira îthamîriorî kûraca mûno mbere ya Babuloni!’