Amosi 5:21 - ÎVUKU RÎA ÛVORO MWARO

²¹ Ngai-Mûnene arauga atîrî, “Nîmenete na nganyarara irugo cienyu, na ndikenagua nî ciûngano cienyu cia ndini.

Amosi 5:21 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Nthi 28:9

Mûndû ûrîa ûregaga kwathîkîra watho, Ngai ndakenagua nî mavoya make.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Ezek 23:18

Rîrîa eyonithanirie kûrî andû atî ke nî mûmaraa na akîonania njaga yake, nînaamûtiganîrie wata ûrîa naatiganîrîtie mwarwang'ina.

Hosea 2:11

Nîngarûgamia mambura make monthe, irugo ciake cia mwambîrîrio wa mweri na cia thavatû, na magongoona marîa mengî monthe matuîtwe.

Hosea 5:6

Nîmakaathiî na ikundi ciao cia ng'ombe na ng'ondu, gûcaria Ngai-Mûnene; nwatî matikamwona, nîûndû ke nîmûmatiganîriu.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Alawi 26:31

Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.

Amosi 4:4

Ngai-Mûnene arauga atîrî, “Andû a Isiraeli thiîni Betheli mûkevie na mûthiî Giligali mwîvie mûno. Viragani magongoona menyu wa kîraûko na mûvirage gîcunjî gîa îkûmi vuva wa mîthenya îthatû.

Amosi 4:5

Rutagani îgongoona rîa gûcokia ngatho kûrî Ngai rîa mûgate ûtarî na ndawa ya kwimbia, na mwîtîîage nîûndû wa matega ma kwîyendera marîa mûrutaga. Ûguo nîguo Ngai-Mûnene arauga.

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Amosi 8:10

Nîngaatûma irugo cienyu ituîke kîrîro, na nyîmbo cienyu cionthe ituîke cia macakaya. Nîngaatûma andû onthe mekîre nguo cia macakaya, na ndûme menje njuîrî cionthe ciongorî ciao, gûgekara ta andû magîcakaîra mwana wa kîmomwe, na mûthenya wa mûthiia ûkethîrwa ûrî na ûrûrû mwîngî.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.