Amosi 5:2 - ÎVUKU RÎA ÛVORO MWARO

² We nthingi Isiraeli nîûgwîte na ndûngîûkîra rîngî, ûtigîtwe ûrî wenga vûrûrirî waku, gûtirî wanarî mûndû wa gûkûrûngamia.

Amosi 5:2 ပူးပေါင်းရင်းမြစ်များ

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

Isaia 14:21

Îîvarîrieni kûûraga ciana ciake nîûndû wa mavîtia ma methe mao, nîguo matigacoke kwatha nthî, na mamîcûrie matûûra mao.”

Isaia 24:20

Nthî îratûgûgana ta mûrîu wa njovi, îrainaina ta îgema. Mevia mayo nîmamîritûvîrîte mûno; îkagwa na ndîkaarûngama rîngî.

Isaia 3:8

Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.

Isaia 37:22

ûvoro wîgiî mûthamaki ûcio, Ngai-Mûnene augîte atî: Mwîrîtu nthingi mwarî wa Zayuni, nîakûmenete na agakûthekerera. Mwarî wa Jerusalemu nîarakwinainîria kîongo na agakûnyarara.

Isaia 43:17

nînarûire na athigari njamba cia mbaara, maarî na ikaari cia mbaara na mbarathi. Mamaamîte nthî, na matingîavotire gûkîra, makîthira na makîvora ta rûtambi rwa taa!

Jeremia 14:17

Nî ûkaamera ciugo ino: ‘Tiga metho makwa metûrûre methori ûtukû na mûthenya, matagûtigithîria, nîûndû andû akwa nîagurarie na magativua mûno.

Jeremia 18:13

Kwoguo Ngai-Mûnene arauga atîrî, “Ta ûria mavûrûrirî monthe kana kûrî mûndû wanegua ûndû ta ûyû? Isiraeli nîwîkîte ûndû mûcûku mûno.

Jeremia 2:27

Acio nîo meraga mûtî atî: “We nîwe vava,” na makeera îthiga atî: “We nîwe wanjiarire,” nîûndû nîmandiganîrîtie. Nwatî mavinda ma thîna maugaga atîrî, “Ûkîra na ûtûvonokie!”

Jeremia 31:4

Nîngamûvanda rîngî, na nîmûgekindîria mue andû akwa a Isiraeli! Nîmûgooca rîngî indo cienyu cia kwina mwîinie na gîkeno mûcanjamûkîte.

Jeremia 4:20

Mûthiro ûrarûmîrîra mûthiro wîngî, vûrûri wonthe nîmûcûkangie viû. Magema metû nîmacûkangua wa rîmwe; mbathia cietû igatarûrangwa wa rîmwe.

Jeremia 50:32

Ûrîa mwîtîi nîakaavîngwa na agwe nthî, gûtirî mûndû ûkamûtethia kûrûngama, na nîngaakia mwaki matûûrarî ma Babuloni, naguo nîûkavîvia kîndû kîonthe kîrî vakuvî naguo.”

Jeremia 51:64

na uge atîrî, ‘Ûguo nîguo vûrûri wa Babuloni ûkaavorokera na ndûgaacoka kuumîra rîngî nîûndû wa mûthiro ûrîa nie Ngai-Mûnene ngûûretera.’ ” Ûyû nîguo mûthiia wa ciugo cia Jeremia.

Jeremia 8:4

Ngai-Mûnene ambîrire mbîîre andû ake atîrî, “Rîrîa arûme magwa, kinthî matiûkagîra rîngî? Mûndû angîvîtia njîra, kinthî tîkwa agarûrûkaga?

Jeremia 9:21

Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Jeremia 9:9

Nwa ndege kûmaverithia nîûndû wa maûndû mama? Nwa ndege kwîrîvîrîria kûrî rûrîrî ta rûrû?” Ûguo nîguo Ngai-Mûnene arauga.

Maca 2:13

Nîngîkûvoreria atîa? Nîngîkûgerekania na ndûî we mwarî wa Jerusalemu? Nîngîkûvanania na ndûî nîguo mvote gûkûvooreria? We Zayuni ûrî mûnyaka mûno, mîthiro yaku ndîrî mûthiia nîta îria rîrîa rînene. Nû ûngîvota gûkûvonokia?

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 6:2

Vuva wa mîthenya îîrî nîagaatûva mwoyo rîngî, vuva wa mîthenya îîrî nîagaatûriûkia, nîguo tûkavota gûtûûrania nake.

Amosi 8:14

Nao arîa mevîtaga na Ngai ya mîvuanano ya Samaria makiugaga: ‘Wata ûrîa ngai ya Dani îtûûraga mwoyo,’ na makauga rîngî, kana ‘Wata ûrîa ngai ya Beerisheba îtûûraga mwoyo,’ andû acio nîmakagwa na matigaûkîra rîngî.”

Amosi 9:11

Mûthenya ûcio nîngaarûngamia ûthamaki wa Daudi ûrîa wagwîre. Nîngaatuma rîngî nthingo ciaguo irîa ciarî nyomomoku, ciîkare ta ûrîa ciekariî mbere.