Amosi 5:11 - ÎVUKU RÎA ÛVORO MWARO

¹¹ Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 5:11 ပူးပေါင်းရင်းမြစ်များ

Ayubu 20:19

nîûndû nîwavinyîrîrie ngîa na akîmatiganîria, na agîtava nyomba ataatumîte.

Isaia 16:10

Gûtirî gûkena na gûcanjamûka mûgûndarî ûrîa ûraciaraga mûno. Gûtirî nyîmbo cinagwa mîgûndarî ya mîthavibu. Gûtirî mûndû ûvivagîra ndivei kîvivîrorî, na ngemi nî nthiru.

Ezek 26:12

Ûtonga wenyu wonthe nîûgaatavwa wa vamwe na indo ciaku. Nîmakoomomora nthingo ciaku na momomore nyomba ciaku irîa mbaro. Namo mathiga, mbaû na mûthetu wenyu ûrîa maatûmîre magîtuma nîmagaawikia îriarî.

Ezek 34:21

Mwatindîkire ng'ondu irîa itarî na vinya na ituro cienyu na mûkîimunda na mvîa nginya mûkîinyagania kûraca na ndîthia.

Hosea 9:2

Ngano na maguta ma mîtamaiyû itikeegana, matikagîa na ndivei njerû.

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.

Amosi 2:6

Ngai-Mûnene arauga atîrî, “Andû a Isiraeli matûûraga mevagia, kwoguo ndigaatiga kûmaverithia, nîûndû mendetie andû arîa athingu sîlûva, na makendia athîni mavewe iratû.

Amosi 2:7

Nîmaanyamaririe arîa matarî vinya, na makaregana na kîvooto Kîam athîni. Mûndû na îthe mamenyanaga kîîmwîrî na mwîrîtu ûmwe ngombo, kwoguo nîmatûmaga rîîtwa rîakwa rîtheru rîgîe na mûgiro.

Amosi 3:15

Nîngaacûkangia nyomba irîa ciîkaragwa vîndî ya mvevo na vîndî ya riûa na nyomomore nyomba irîa ng'emie na mîguongo. Gûtirî nyomba wanarî îmwe ya icio nene îgaatigara.” Ûguo nîguo nie Ngai-Mûnene mbugîte.

Amosi 3:9

Anîrîrani mûrî nyombarî cia athamaki irîa irî Ashidodi wana mwanîrîre mûrî nyombarî cia anene îgûrû mûrî Misiri muge atîrî, “Gomanani irîmarî cia Samaria na mwone kîthigithigi kîrîa kîrî kuo, wana ûvinyanîrîria ûrîa ûrî kuo.”

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 6:11

Taroria! Ngai-Mûnene nîarathana, nyomba nene na nini nîikaavaraganua ithire.

Amosi 6:12

Mbarathi nîivinyûragîra mathigarî? Andû nîmarîmaga îriarî na ndegwa? Nwatî mûgarûrîte kîvooto gîgatuîka ûrogi, na ûthingu ûgatuîka ûrûrû.

Amosi 8:4

Tathikîrîria ûvoro ûyû mue arîa mwendaga kûvinyîrîria ngîa, na mwendaga kûthiria athîni vûrûrirî,

Amosi 9:14

Nîngacokia andû akwa vûrûrirî wao, nîmagaatuma rîngî matûûra marîa moomorirwe na matûûre kuo, nîmakaavanda mîthavibu na manyue ndivei ya yo, nîmakavanda irio mûgûndarî na marîe maketha ma yo.

Mika 1:6

Kwoguo, Ngai-Mûnene augîte atîrî, “Nîngaatûma Samaria gûtuîke kîrûndo Kîam mathiga werûrî, kûndû gwa kûvandwa mîthavibu. Mathiga marîa magûtumîte nîngaamaikia Kîamndarî, na nthikûrie mîcingi ya kuo.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Mika 6:15

Mûkaavanda nwatî mûtigaaketha kîndû, mûkaaviva ndamaiyû ciume maguta nwatî mûtigaatûmîra maguta mau. Mûkaaviva thavibu nwatî mûtikaanyua ndivei.

Zefania 1:13

Nîmagacunwa ûtonga wao na indo ciao cia nyomba. Matigatûûra nyombarî irîa maratuma, kana manyue ndivei ya mîtî îrîa maravanda rîu.”

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Malaki 1:4

Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”

Gûco 28:30

“Mûndû akaarîkanagîra na mwîrîtu atî nîakûmûvikia, nake mûndûmûrûme wîngî akamenyana nake kîîmwîrî. Mûndû agaatumaga nyomba na ndagaatûûra kuo. Mûndû akaavandaga mîthavibu, nwatî ndakaarîa thavibu ciayo.

Jakuvu 2:6

Nwatî mûtitîîaga arîa athîni. Na kinthî itonga tîcio imûkinyagîrîria? Na kinthî twacio imûviraga îgootirî?