Ahabu nîwerire Obadia atîrî, “Tiga tûthiî vûrûrirî tûkarorie ithimarî cionthe cia manjî na ndeererî cionthe cia nyûnjî twone kana nîtûkwona nyaki mbîganu ya kûva mbarathi na nyûmbû nîguo itigakue cionthe.”
Andû a Sîria marî mwena wa îrathîro, na andû a Filisiti marî mwena wa îthûîro, mathamîtie tûnyua twao nîguo mamerie Isiraeli. Kûnarî ûguo, marakara ma Ngai-Mûnene tî mathiru; na nîatambarûkîtie njara yake nîguo îverithanie.
Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.
Nie neciririe atî, ‘Vuva wa Isiraeli gwîka maûndû mau monthe, nîakûnjokerera;’ nwatî nîwaregire kûnjokerera, na Juda mwarwang'ina ûrîa mûthani nîwonire ûndû ûcio.
We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.