Amosi 3:9 - ÎVUKU RÎA ÛVORO MWARO

⁹ Anîrîrani mûrî nyombarî cia athamaki irîa irî Ashidodi wana mwanîrîre mûrî nyombarî cia anene îgûrû mûrî Misiri muge atîrî, “Gomanani irîmarî cia Samaria na mwone kîthigithigi kîrîa kîrî kuo, wana ûvinyanîrîria ûrîa ûrî kuo.”

Amosi 3:9 ပူးပေါင်းရင်းမြစ်များ

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

Nthi 1:13

Nîtûkegwatîra indo cionthe cia goro, twîcûrie nyomba cietû indo irîa tûtavîte.

Nthi 11:16

Mûndûmûka mûtugi nîavecagwa gîtîîo, na mûndûmûrûme mûvinyaru nîagîcaga na ûtonga.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Jeremia 31:5

Nîmûkavanda mîthavibu rîngî îgûrû rîa irîma cia Samaria. Arîmi makavanda mbegû na nîmagaakenera matunda mayo.

Jeremia 46:14

“Anîrîra vûrûrirî wa Misiri, na ûmenyithanie kûu Migidoli, anîrîra kûu Memufisi na Tahipanesi. Meere atî: ‘Îkarani mwîvarîrîtie, nîûndû mbaara nîgaacûkangia kûndû kuonthe.’

Jeremia 50:2

“Anîrîrani mavûrûrirî, îkîrani imenyithia na mwanîrîre, mûtikathithe wanarî ûndû; ugani atî: ‘Îtûûra rîa Babuloni nîrînyite! Beli ngai yarîo nînjonorithie, Merodaki ngai yarîo nîmbagagu; Mîvuanano ya ngai cia Babuloni nîmîconorithie.’

Ezek 36:8

Nwatî mue irîma cia Isiraeli, mîtî yenyu nîîkagîa na mvûa na îciare matunda nîûndû wa andû akwa a Isiraeli nîûndû kavinda gatarî karaca nîmagaacoka kwao.

Ezek 37:22

Nîngaamatua rûrîrî rûmwe rûrî vûrûrirî wa Isiraeli ûrîa ûrî irîma. Onthe magaatuîka a mûthamaki ûmwe na matigaacoka gûtuîka ndûrîrî igîrî, na matikagaûkana matuîka mothamaki maîrî.

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Amosi 1:8

Nîngaathengutia andû arîa matûûraga Ashidodi, mverithie mûnene wa Ashikeroni. Nîngaaverithia îtûûra rîa Ekironi, na Afilisiti onthe arîa maatigarîte nîmagaakua.”

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Amosi 6:3

Mue mûgeragia kûrega mûthenya mûcûku, nwatî mûgetîkîra arîa maathanaga na vinya.

Amosi 8:6

Tûkaagûraga arîa matarî na vinya na sîlûva, na arîa ngîa tûmagûrage na iratû cia nyamûga, na twendagie muura wa ngano.”

Mika 6:10

Nyombarî cia andû arîa aganu kûrî indo irîa andû acio maagwatire na njîra ya maveeni. Matûmagîra ithimi cia maveeni na ûndû ûcio nînîûthûrîte.

1Sam 5:1

Afilisiti maatava îthandûkû rîa kîrîkanîro rîa Ngai, nîmaarîkuuire makîrîruta kûu Ebeneza na makîrîvira îtûûrarî rîao, rîrîa rîetagwa Ashidodi.