Amosi 3:2 - ÎVUKU RÎA ÛVORO MWARO

² Gatagatî ka mavûrûri monthe ma nthî, mue nwa mue mbîcî. Kwoguo nîngûmûverithia nîûndû wa mavîtia menyu monthe:

Amosi 3:2 ပူးပေါင်းရင်းမြစ်များ

Kîam 10:32

Andû acio onthe nî njiarwa cia Nuhu, wa rûrîrî kûringana na njiarwa ciaruo. Vuva wa manjî meengî marîa meecûrîte nthî, ndûrîrî cionthe cia nthî ciaumire kûrî Ariû a Nuhu.

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Thaburi 147:19

Nîamenyithagia Jakovu ndûmîrîri yake, na akava Isiraeli mawatho na matuîro ma ciira.

Ntha 32:34

Rîu thiî ûgatongorie andû mathiî kûrîa naakwîrire. Ririkana, mûraika wakwa nîakaamûtongoria, nwatî kavinda nîgagaakinya rîrîa ngaaûka kûverithia andû aya nîûndû wa mevia mao.”

Isaia 63:19

Twîkariî ta andû matanathwa nîwe wanarî vanini, ta andû matanetanua na rîîtwa rîaku.

Jeremia 1:15

Rîu, nînîreta mîvîrîga yonthe ya mothamaki ma mwena wa rûgûrû. Nao athamaki a mo nîmakaaiga itî ciao cia ûthamaki mîromorî ya Jerusalemu na maciige ithiûrûkîrîtie nthingo ciarîo na matûûra monthe ma Juda.

Jeremia 10:25

Îtûrûra marakara maku kûrî mavûrûri marîa matakûgoocaga, na kûrî andû arîa matagoocaga rîîtwa rîaku. Nîûndû nîmaûragîte andû aku a Isiraeli, nîmamacûkangîtie makathira viû, na magatiga vûrûri wao ûrî maganjo.

Jeremia 11:22

Kwoguo Ngai-Mûnene mwene vinya wonthe arauga atîrî, “Nîngûmaverithia. Andû ethî nîmakaûragîrwa mbaararî. Anake na erîtu ao nîmagaakua nî yûra.

Jeremia 13:21

Ûkaauga atîa îgûrû rîgiî andû arîa weciragia nî arata aku, arîa we mwene wathomithirie rîrîa magaakûvoota na makwathe? Kinthî ndûgecûrwa nî ûrûrû ta wa mûndûmûka akîgîa na mwana?

Jeremia 14:10

Îgûrû rîgiî andû aya Ngai-Mûnene arauga atîrî: “Mendaga gûtûûra maûrûraga, mativurûkaga, kwoguo Ngai-Mûnene ndametîkagîra, na rîu nîakûririkana waganu wao, na amaverithie nîûndû wa mevia mao.”

Jeremia 9:25

Ngai-Mûnene arauga atîrî, “Mîthenya nîgaakinya rîrîa ngaverithia andû onthe arîa maruîte mwîrî tu:

Ezek 5:9

Nîûndû wa maûndû monthe macûku marîa mwaneka, nîmbîka kûrî mue maûndû ndaneka na ndageka rîngî.

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.

Hosea 5:3

Nîmbicî andû a Efiraimu, andû a Isiraeli matingînîthitha. Mue andû a Efiraimu nîmwîkîte maûndû ma ûtharia, andû onthe a Isiraeli nîmegwatîtie mûgiro.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Amosi 3:3

Andû aîrî nwa mathiî rûgendo matarîkanîrîte?

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Mika 2:3

Kwoguo Ngai-Mûnene augîte atîrî, “Nîmvangîte kûmûretithîria mûthiro, na mûtikaavota kûra mume kûrî guo. Rîkethîrwa rîrî îvinda rîa thîna, na gûtirî mûndû ûkaathiîcaga na mwîtîîo.

Nahumu 3:4

Îtûûra rîa Nineve ûtuîkîte îraa. Ûthaka waku ûragucîrîria andû ta mîthega, watuire mavûrûri ngombo na njîra ya ûmaraa waku, na andû a ndûrîrî ûkîmatua ngombo na mîthega yaku.

Ciîko 17:26

Ngai aambîrîrie na kûmba mûndû ûmwe, na kuuma kûrî mûndû ûcio gûgîûka ndûrîrî cionthe cia andû ngûrani arîa matûûraga kûndû kuonthe gûkû nthî. Ngai nîke watwire wa mbererî nîrî, na nîkû o magîrîrwe nî gûtûûra.

Aroma 2:9

Mûndû wa wonthe wîkaga ûndû mûcûku nîakoona thîna na ûrûrû, mbere kûrî Ayahudi na vuva kûrî andû a Ndûrîrî.

1Akor 8:3

Nwatî Ngai nîwîcî mûndû wa wonthe ûmwendete.

Gûco 10:15

Nwatî wendo wa Ngai-Mûnene Ngai wenyu kûrî methe menyu warî mûnene mûno. Kwoguo nîwamûthuurire, mue njiarwa ciao îthenya rîa andû a ndûrîrî irîa ciîngî na mûrî ake nginya ûmûnthî.

Gûco 26:18

Nake Ngai-Mûnene nîwauga ûmûnthî, atî mue mûrî andû ake kîûmbe wata ûrîa aamwîrîîre na nîmwagîrîrwe nî kûvingagia maathani make monthe.

Gûco 32:9

Nîwathuurire njiarwa cia Jakovu matuîke andû ake, na akîmamûra matuîke andû ake.

Gûco 4:32

“Tuîriani îgûrû rîgiî mavinda marîa mavîtûku rîrîa mûtaarî aciare nginya rîrîa Ngai aaûmbire mûndû gûkû nthî. Tuîriani nthî yonthe mwone kana kûrî ûndû mûnene ta ûyû wanekîka kana waneguîka.

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

1Pet 4:17

Îvinda nîrîkinyu rîa kwambîrîria îtuîro na andû a Ngai nîo makwambîrîria gûtuîrwa. Ethîrwa nîtue tûkwambîrîria gûtuîrwa rî, gûkaarîkîrîria atîa na arîa matetîkîtie Ûvoro Mwaro ûrîa umîte kûrî Ngai?