Amosi 3:12 - ÎVUKU RÎA ÛVORO MWARO

¹² Ngai-Mûnene arauga atîrî, “Wata ûrîa mûrîthi atethûraga magûrû maîrî, kana kînuku Kîam gûtû kwa ng'ondu kuuma kanyuarî ka mûnyambû, nwa guo andû a Isiraeli arîa matûûraga Samaria magatethûrwa, arîa rîu mamamagîra itanda mbaro na nguo cia goro.”

Amosi 3:12 ပူးပေါင်းရင်းမြစ်များ

1Atha 20:30

Arîa maatigarire nîmaaûrire makîthiî îtûûrarî rîa Afeku. Nacio nthingo cia îtûûra rîu nîciomomokire na ikîûraga andû ngiri mîrongo îîrî na mûgwanja (27,000) ao. Benihadadi wanake nîwaûrîre îtûûrarî na akîîthitha nyombarî îmwe ya ndaarî kûu îtûûrarî.

1Atha 20:34

Benihadadi nîwerire Ahabu atîrî, “Nîngaagûcokeria matûûra marîa vava aacunire aguo, na nwa wambîrîrie thoko kûu Damesiki, wata ûrîa vava eekire kûu Samaria.” Nake Ahabu nîwamûcokerie atîrî, “Nîngûrekereria nîûndû wa ûguo wauga.” Kwoguo Ahabu nîwarûthire kîrîkanîro na Benihadadi na akîmûrekereria akîthiî.

1Atha 22:25

Nake Mikaia nîwaugire atîrî, “Ûkaamenya ûguo rîrîa ûgaatonya nyombarî ya ndaarî kwîthitha.”

2Atha 16:9

Mûthamaki wa Asîria nîwathîkîre Ahazi, na nîwathiîre marî na athigari ake a mbaara na makîtharîkîra îtûûra rîa Damesiki. Nîwarînyitire, akîûraga mûthamaki Rezini na akîvira andû Kiri marî mîgwate.

Esita 1:6

Kûu nja kwa mûthamaki kwagemetue na itambaa cia rangi wa vururu, na îno njerû na ciovetwe na mîkumbû ya nguo cia goro ya rangi wa Njambarawe na ikovererwa icûvîrî cia sîlûva, igacoka igacurua itugîrî cia mathiga ma yûmba na mîgeka ya gwîkarîra yarûthîtwe na thaavu. Mîkathî îo ya sîlûva na thaavu yaigîtwe nja kwa mûthamaki na kwagemetue waro na mathiga maavenavenagia, mathiga matune, mathiga ma yûmba, mathiga ma rangi ya mûkûngambura na tûthiga twîngî twa goro.

Esita 7:8

Rîrîa mûthamaki aumire na kûu mûgûndarî na agîcoka mûciî varîa maanyunyagîra ndivei, ethîrîrie Hamani egwîthîtie nthî gîtîrî kîrîa gîekarîrîtwe nî Esita. Nake mûthamaki ona ûguo nîwaugire atîrî, “Nîkwa mûndû ûyû arenda kûmenyana kîîmwîrî na vinya na mûka wakwa mbere yakwa gûkû nyombarî yakwa?” Mûthamaki akîrîkia kuga ûguo, Hamani aarî mûkunîke kîongo nî andû ngaramba arîa maamenyagîrîra mûthamaki.

Thaburi 132:3

“Ndigaatonya nyombarî yakwa, kana mama ûrîrîrî wakwa,

Isaia 17:7

Mûthenya ûcio, andû nîmakaaroria ûrîa Wamaûmbire na magarûrûkîre Ûrîa Mûtheru wa Isiraeli.

Isaia 31:4

Ngai-Mûnene aambîrire atîrî, “Wata ûrîa mûnyambû kana kaana ka mûnyambû ûraramaga ûnyitîte nyamû, wana gîkundi Kîam arîthi kîngîtwa kîthiî gîkaûtharîkîre, ndûngîmakua nî înegene rîao, kana wîgua guoya nî mîgambo yao.” Ûguo nîguo Ngai-Mûnene mwene vinya wonthe akaanyûrûrûka kûrûa arî kîrîmarî gîa Zayuni na nîrî karîmarî ga kîo.

Isaia 8:4

Nîûndû mbere ya kaana gakaamenya gwîtana ‘Vava’ kana ‘Nyanya,’ ûtonga wonthe wa Damesiki wana indo irîa itavîtwe Samaria nîigaakuwa ivirîrwe mûthamaki wa Asîria.”

Amosi 6:4

Mue arîa mûmamagîra itanda cia mîguongo kaî mûrî na thîna-î, na mûgatambararia itîîrî cia cûva, mûkîrîcaga nyama kuuma ndîthiarî cia ng'ondu, na nyama cia njaû kuuma ndîthiarî cia ng'ombe.

Amosi 9:8

Nie Ngai-Mûnene nîndoretie ûthamaki mwîvia wa Isiraeli, nîngaûcûkangia ûthire gûkû nthî, nwatî ndikaathiria nyomba ya Jakovu viû.