Amosi 2:7 - ÎVUKU RÎA ÛVORO MWARO

⁷ Nîmaanyamaririe arîa matarî vinya, na makaregana na kîvooto Kîam athîni. Mûndû na îthe mamenyanaga kîîmwîrî na mwîrîtu ûmwe ngombo, kwoguo nîmatûmaga rîîtwa rîakwa rîtheru rîgîe na mûgiro.

Amosi 2:7 ပူးပေါင်းရင်းမြစ်များ

2Sam 12:14

Nwatî na njîra ya gîîko kîu wîkîte, nîûnyararîte Ngai-Mûnene. Kwoguo kaana kau nwanginya gagaakua.”

1Atha 21:4

Ahabu nîwathiîre mûciî gwake arî mûrakaru na ûthû mwîngî nîûndû wa ûrîa Nabothi aamwîrîte, atî tîamûnengera mûgûnda wa mîthabivû nîûndû aaûgaire kuuma kûrî methe make. Ahabu nîwamamire ûrîrîrî wake erekerete rûthingo, na ndangîarîre irio.

Nthi 28:21

Kûgîa na kîmenyano tî waro, nwatî andû nîmavîtagia nîûndû wa kwamûkîra îvaki wana rîrî înini.

Isaia 10:1

Andû arîa matungaga mawatho matarî ma kîvooto kaî marî na thîna-î, mavîtûkagia mawatho ma kûvinyanîrîria.

Isaia 10:2

Mekaga ûguo nîguo maime athîni kîvooto, na gûcuuna athîni a andû akwa kîrîa kîmagîrîrîte. Matavaga aka a ndigwa, na makaîa ciana cia ndigwa.

Isaia 3:14

Ngai-Mûnene nîaracirithia andû; aracirithia athuuri na atongoria a andû ake. Arameera atîrî, “Nîmue mûcûkangîtie mûgûnda wa mîthavibu, na indo irîa mwatavire athîni irî nyombarî cienyu.

Isaia 3:15

Mwîciragia atîa rîrîa mûkûvinyîrîria andû akwa na mûkanyarira athîni?” Ûguo nîguo nie, Mwathani Ngai mwene vinya wonthe, nîraûria.

Ezek 22:11

Amwe nîmekaga maûndû ma waga nthoni na aka a andû arîa mariganîtie nao, na engî mageka maûndû ma ûtharia na aka a avîcî ao. Andû engî gatagatîrî kenyu nîmekaga maûndû ma ûtharia na aa mwarwang'ina.

Ezek 36:20

Nwatî mathiî kûrî andû a ndûrîrî, wa kûrîa kuonthe maathiîcaga nîmaagwatagia rîîtwa rîakwa rîtheru gîko. Nao andû nîmaaragia ûvoro ûmegiî na makauga atî, ‘Aya nî andû a Ngai-Mûnene, nwatî kûnarî ûguo nîmaaumire vûrûrirî wake.’

Hosea 4:14

Ndikaverithia erîtu enyu rîrîa makethîrwa makîvûra ûmaraa, kana mverithie aviki enyu makîtharia. Nîûndû arûme nîo marûmanagîrîra na maraa, na makaruta magongoona vamwe na maraa ma ndini. Andû aya matarî na ûmenyo nama nîmagacûkangua.

Alawi 18:15

Mûtikamenyane kîîmwîrî na mwîrîtu wa kanyanyaguo; nî mûka wa mûvîcîguo.

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Alawi 18:8

Mûtigaconorithie aguo na njîra ya kûmenyana kîîmwîrî wanarî na ûmwe wa aka ake.

Alawi 20:3

Mûndû ûrîa ûkaavaka îgema rîakwa rîtheru mûgiro na aconorithie rîîtwa rîakwa rîtheru na njîra ya kûvecana wanarî ûmwe wa ciana ciake kûrî Moleku, nîngaamûverithia na nîmwamûranie na andû akwa.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Amosi 8:4

Tathikîrîria ûvoro ûyû mue arîa mwendaga kûvinyîrîria ngîa, na mwendaga kûthiria athîni vûrûrirî,

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Mika 2:9

Mûvinyûragia aka a andû akwa, kuuma nyombarî ciao irîa mbaro, na nîmûgirîtie ciana ciao ikinyîrwa nî irathimo ciakwa tene na tene.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Aroma 2:24

Mandîko matheru maugîte atîrî: “Nîûndû wenyu mue Ayahudi, rîîtwa rîa Ngai nîrîcambîtue nî andû a Ndûrîrî.”

1Akor 5:1

Rîu kûrî na ûma atî kûrî na wîvia wa kûmenyana kîîmwîrî ûrerîkana gatagatîrî kenyu. Wîvia ûcio nî wa mûthemba mûcûku mûno wana nginya makîria ya wîvia ûrîa wîkagwa gatagatîrî ka andû arîa mataicî Ngai. Nîmbîrîtwe atî mûndû mûrûme nîaramenyana kîîmwîrî na mûka wa îthe.