Amosi 1:3 - ÎVUKU RÎA ÛVORO MWARO

³ Ngai-Mûnene arauga atîrî, Andû a Damesiki nîmevîtie rîngî wana rîngî, kwoguo ndigatiga kûmaverithia. Nîmeekire andû a Gileadi ûndû mûcûku mûno, ta ngano ikîthîwa na gîkaari gîa cuuma.

Amosi 1:3 ပူးပေါင်းရင်းမြစ်များ

1Atha 19:17

Mûndû ûrîa ûkaavonoka kûûragwa nî Hazaeli nîakaaûragwa nî Jehu, na mûndû ûrîa ûkaavonoka kûûragwa nî Jehu nîakaaûragwa nî Elisha.

2Atha 13:3

Kwoguo Ngai-Mûnene nîwarakarirue nî andû a Isiraeli na nîwatûmire mekare makîvootagwa mbaararî nî Hazaeli, mûthamaki wa Sîria na mûvîcî Benihadadi.

2Atha 13:7

Jehoahazi ndaarî na athigari a mbaara maatigarîte tiga arûme mîrongo îtano (50) arîa mathiîcaga matwîte mbarathi, ikaari îkûmi (10) cia mbaara, na arûme ngiri îkûmi (10,000) arîa maathiîcaga na magûrû, nîûndû mûthamaki wa Sîria nîwacûkangîtie acio engî na akamakinyangîra nthî ta mûthetu.

2Atha 16:9

Mûthamaki wa Asîria nîwathîkîre Ahazi, na nîwathiîre marî na athigari ake a mbaara na makîtharîkîra îtûûra rîa Damesiki. Nîwarînyitire, akîûraga mûthamaki Rezini na akîvira andû Kiri marî mîgwate.

2Atha 8:12

Hazaeli nîwaûririe Elisha atîrî, “Mwathi wakwa, ûrarîra nîkî?” Nake Elisha nîwacokerie Hazaeli atîrî, “Nîûndû nîmbîcî maûndû macûku marîa ûgeeka andû a Isiraeli: nîûkavîvia matûûra mao marîa magitîre, ûûrage anake ao, ûûrage ciana ciao, na nîûgaatarûra nda cia aka a Isiraeli arîa marî mavu.”

Ayubu 19:3

Nî maita îkûmi mwîthîrîtwe mûkînuma, mûtingîconoka nî ûguo mûnumîte?

Ayubu 5:19

Ke nîagaagûkûûra mathînarî matandatû, na ndûgaacûkangua nî thîna wa mûgwanja.

Nthi 6:16

Kûrî na maûndû matandatû marîa Ngai-Mûnene amenete, Ii nî mûgwanja marîa marî mûgiro kûrî ke:

Mûvunjia 11:2

Onjorithia mbeca ciaku na njîra nyîngî, nîûndû ndwîcî ûrîa gûgekara.

Isaia 28:27

Mbegû cia manyenyi ta ma rwoga itivûragwa na mûvûro, kana cia karîmî ka nthiia ikinyangwa na gîkaari Kîam ng'ombe. Nwatî mbegû cia manyenyi ta ma rwoga ivûragwa na mûragi, nacio mbegû cia karîmî ka nthiia ikavûûrwa na rûthanju.

Isaia 41:15

Nîngaatûma mûtuîke ta mûtî wa kûvûûra ngano, ûrî na magego macerû na maûgî, nîmûkaavûra irîma na mûivaraganie, mûgaakinyanga tûrîma tûtuîke ta rûkûngû.

Isaia 7:16

Mbere ya kaana kau kamenya kûthuura maûndû maro na kûrega maûndû macûku, mavûrûri ma athamaki aîrî arîa mamwîguithagia guoya makethîrwa marî matiganîrie.

Isaia 7:8

Nîûndû îtûûra rînene rîa vûrûri wa Sîria nî Damesiki na mûthamaki wa Damesiki nî Rezini. Kwa îvinda rîa mîaka mîrongo îtandatû na îtano (65) vûrûri wa Isiraeli ûkethîrwa ûcûkangîtue na ûtangîtuîka rûrîrî.

Isaia 8:4

Nîûndû mbere ya kaana gakaamenya gwîtana ‘Vava’ kana ‘Nyanya,’ ûtonga wonthe wa Damesiki wana indo irîa itavîtwe Samaria nîigaakuwa ivirîrwe mûthamaki wa Asîria.”

Amosi 1:11

Ngai mûnene arauga atîrî, “Andû a îtûûra rîa Edomu matûûraga mevagia, kwoguo ndigaatiga kûmaverithia. Nîmaarûmîrîrie aa mûrwang'ina andû a Isiraeli na mviû, marî aa mûrwang'ina matiameguîra ntha, marakara mao kûrî o matiarî na kîthimi.

Amosi 1:13

Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.

Amosi 1:6

Ngai-Mûnene arauga atîrî, “Andû a Gaza matûûraga mevagia, kwoguo ndigaatiga kûmaverithia, nîmaavirire andû onthe Edomu, makîmendia kuo matûûre marî ngombo.

Amosi 1:9

Ngai-Mûnene arauga atîrî, “Andû a îtûûra rîa Turo matûûraga mevagia, kwoguo ndigatiga kûmaverithia. Nîmoocire vûrûri wonthe na makîûvira îthamîriorî Edomu. Nîmaaunire kîrîkanîro Kîam thayû kîrîa maarûthîte.

Amosi 2:1

Ngai-Mûnene arauga atîrî, “Andû a Moabu matûûraga mevagia, kwoguo ndigaatiga kûmaverithia, nîûndû nîmaregete kûva mûthamaki wa Edomu ûrîa wakuire gîtîîo, na njîra ya kûvîvia mavîndî make magatuîka mûu.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Amosi 2:6

Ngai-Mûnene arauga atîrî, “Andû a Isiraeli matûûraga mevagia, kwoguo ndigaatiga kûmaverithia, nîûndû mendetie andû arîa athingu sîlûva, na makendia athîni mavewe iratû.

Zakaria 9:1

Îno nî ndûmîrîri ndito ya Ngai-Mûnene îgiî vûrûri wa Hadiraki. Ngai-Mûnene nîatuîte kûverithia Hadiraki wana îtûûra rîa Damesiki. Andû onthe nî a Ngai-Mûnene, wana mîvîrîga yonthe ya Isiraeli.

Zakaria 9:2

Hamathi wana rîo, rîrîa rîvakanîte na Hadiraki, Turo na Sidoni, wana ethîrwa marî aûgî nî ake.