Amosi 1:13 - ÎVUKU RÎA ÛVORO MWARO

¹³ Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.

Amosi 1:13 ပူးပေါင်းရင်းမြစ်များ

2Sam 12:31

Nîwacokire agîtua andû a kuo aatûri a mbaû na mîcumano, aruti wîra na macembe ma cuuma, na mathanwa ma cuuma, na athondeki a matuvarî. Ûguo nîguo eekire andû onthe a matûûra mau mengî ma Aamoni. Nake Daudi na andû ake onthe nîmaacokire Jerusalemu.

2Atha 15:16

Vîndî îrîa Manahemu aarî njîrarî aumîte Tiriza, nîwacûkangirie îtûûra rîa Tapua, andû a kuo na îtûûra rîrîa rîrî vakuvî nîûndû andû a kûndû kûu nîmaaregire kwînenganîra kûrî ke. Wana nîwarutire aka onthe a îtûûra rîu nguo arîa maarî na mavu.

2Atha 24:2

Ngai-Mûnene nîwacokire agîtûma ikundi cia andû marî na indo cia mbaara kuuma Babuloni, Sîria, Moabu, na Aamoni mathiî makerwe na Jehoiakimu na macûkangie Juda, wata ûrîa Ngai-Mûnene aaugîte na njîra ya ndungata ciake arathi.

2Atha 8:12

Hazaeli nîwaûririe Elisha atîrî, “Mwathi wakwa, ûrarîra nîkî?” Nake Elisha nîwacokerie Hazaeli atîrî, “Nîûndû nîmbîcî maûndû macûku marîa ûgeeka andû a Isiraeli: nîûkavîvia matûûra mao marîa magitîre, ûûrage anake ao, ûûrage ciana ciao, na nîûgaatarûra nda cia aka a Isiraeli arîa marî mavu.”

2Maû 20:1

Vuvarî athigari a Moabu na a Aamoni na andû amwe a Ameuni arîa maagwatanagîra nao, nîmaatharîkîre Juda.

2Maû 20:10

“Taroria, andû a Aamoni, a Moabu na a Edomu nîmatûtharîkîrîte. Rîrîa andû a Isiraeli maaumaga Misiri ndwametîkîria matonye mavûrûri mau. Kwoguo matiamacûkangia.

Nehemia 2:19

Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Thaburi 83:7

andû a Gebali, Amoni na Amaleki, andû a Filisiti na andû a Turo.

Isaia 5:8

Mue nyomba na mîgûnda kaî mûrî na thîna-î, mwongagîrîra mîgûnda kûrî îrîa mûgûrîte, nginya rîrîa gûkethîrwa gûtarî na vandû mûndû wîngî angîtûûra, na mûgatûûra mûrî muenga.

Jeremia 25:21

Edomu, Moabu, Amoni;

Ezek 21:28

“We mûndû, ratha ûvoro wîgiî andû a Aamoni nîûndû wa rûmena rûrîa mamûmenete uge Ngai-Mûnene augîte atî, rûviû rwa njûra, rûviû nîrûcomoretwe nîguo rûragane. Rûtheretue mûno nîguo rûvenie ta rûveni.

Ezek 25:1

Ngai-Mûnene nîwambîrire atîrî,

Ezek 35:10

“Nîûndû waugire atî ndûrîrî icio igîrî, ‘Isiraeli na Juda’ nî mavûrûri maku na nîûkaamegwatîra, wana ethîrwa nie, Ngai-Mûnene ndûûraga kuo.

Hosea 13:16

Samaria nîagaakuua mûrigo wake wa mevia, nîûndû nîareganîte na Ngai wake; nîmakaûragwa na rûviû rwa njûra, ciana ciao irîa nini nîigaatemangwa inuku; na aka arîa marî îvu nîmagaatarûrangwa!”

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Amosi 1:3

Ngai-Mûnene arauga atîrî, Andû a Damesiki nîmevîtie rîngî wana rîngî, kwoguo ndigatiga kûmaverithia. Nîmeekire andû a Gileadi ûndû mûcûku mûno, ta ngano ikîthîwa na gîkaari gîa cuuma.

Gûco 2:19

Nîmûgûkinya vakuvî na vûrûri wa Aamoni, njiarwa cia Loti. Mûtikamavurie kana mûrûe nao nîûndû ndikaamûva wanarî gacunjî ka vûrûri wa Aamoni ûrîa nîmavete ûtuîke wao.’ ”