Alawi 9:7 - ÎVUKU RÎA ÛVORO MWARO

⁷ Nîwacokire akîra Aroni atîrî, “Thiî metharî ya kîgongoona na ûrute îtega rîa kûvîvua na rîa kûtheria mevia maku na ma andû a nyomba yaku. Ûcoke ûrute îtega rîa kûtheria mevia ma andû onthe wata ûrîa Ngai-Mûnene athanîte.”

Alawi 9:7 ပူးပေါင်းရင်းမြစ်များ

Alawi 16:11

“Aroni akîruta ndegwa îrî îtega rîa kûtheria mevia make ke mwene na ma andû a mûciî wake,

Alawi 16:24

Nwanginya akeethambîria vandûrî varîa vatheru na ekîre nguo ciake. Vuva wa ûguo, nîakaauma na arute îtega rîa kûvîvua nîûndû wa kûtheria mevia make ke mwene na arute îtega rîa kûvîvua nîûndû wa kûtheria mevia ma andû.

Alawi 16:6

Nake Aroni nîakaaruta ndegwa îrî îtega rîa kûtheria mevia make ke mwene na ma andû a mûciî wake.

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Alawi 8:34

Ngai-Mûnene aambathire mbîke ûguo neka ûmûnthî nîguo mûtherue mevia.

Alawi 9:2

na akîra Aroni atîrî, “Oca ndegwa îtarî ngûrû ya îtega rîa kûtheria mevia na ndûrûme ya îtega rîa kûvîvua; cioîrî ciîthîrwe itarî na wonje na ûirutîre Ngai-Mûnene.

Ahib 5:1

Mûthînjîri-Ngai mûnene wa wonthe athuuragwa kuuma kûrî andû na akavewa wîra wa gûtungatîra Ngai vandûrî va andû. Ke nîarutaga iveo na magongoona ma mevia.

Ahib 5:3

Nîûndû ke mwene ethagîrwa atarî na vinya, nwanginya arute îgongoona nîûndû wa mevia make, wata ûrîa arutaga îgongoona nîûndû wa mevia ma andû.

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.

1Sam 3:14

Kwoguo nie nînîîvîtîte nîûndû wa andû a mûciî wa Eli ngauga, atî wîvia ûyû wîkîtwe nî andû a mûciî wa Eli ndûkaavota kûtherua nî kîgongoona wana kana îtega tene na tene.”