Alawi 9:3 - ÎVUKU RÎA ÛVORO MWARO

³ Ûcoke wîre andû a Isiraeli moce nthenge ya îtega rîa kûtheria mevia, njaû na ng'ondu itarî na wonje cia îtega rîa kûvîvua; wa îmwe îthîrwe îrî na ûkûrû wa mwaka ûmwe,

Alawi 9:3 ပူးပေါင်းရင်းမြစ်များ

Kîam 37:31

Nîmaaûragire mbûri na magîoca nguo ya Josefu makîmîrinda nthakamerî.

Ezira 10:19

Nao nîmeeranîre atî nîmagûtecana na aka ao na nîmaarutire ng'ondu ya kîgongoona nîûndû wa mevia mao:

Ezira 6:17

Nîmaarutire ndegwa îgana rîmwe, ng'ondu magana maîrî, na tûtûrûme magana mana nîûndû wa îgongoona rîa kwamûra hekarû. Nîmaacokire makîruta nthenge îkûmi na igîrî nîûndû wa mevia ma andû a Isiraeli, wa mûvîrîga warutaga nthenge îmwe.

Ntha 12:5

Mûndû nwanginya acarie kagondu kana kathenge karî na ûkûrû wa mwaka ûmwe na gatarî wonje kana maroro.

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Alawi 10:16

Musa nîwacokire agîtuîria waro ûvoro wîgiî mbûri îrîa yarutirwe îrî îtega rîa kûtheria mevia na akîmenya atî yarî mvîvie. Ûndû ûcio nîwatûmire arakarîre Eliazaru na Ithamaru, na nîwamaûririe atîrî,

Alawi 12:6

“Mîthenya ya kwîtheria yathira kuuma arîkia gûciara kaana ga kavîcî kana ga kamwîrîtu, mûndûmûka ûcio nîakaaruta ng'ondu ya ûkûrû wa mwaka ûmwe îrî ya îtega rîa kûvîvua vamwe na îcîa kana ndutuura îrî ya îtega rîa kûtheria wîvia. Akaavirîra mûthînjîri-Ngai vau mûromorî wa îgema rîa Ngai-Mûnene.

Alawi 14:10

“Mûthenya wa kanana nîakaaruta tûtûrûme twîrî na kamwatî, irî na ûkûrû wa mwaka ûmwe na itarî na wonje, kilo ithatû cia mûtu mûvinyu ûtukanîtue na maguta ma ndamaiyû, na mililita magana mathatû ma mîrongo îthatû (330 ml) cia maguta ma ndamaiyû.

Alawi 16:15

“Vuva wa ûguo, nîakaaûraga mbûri ya îtega rîa kûtheria mevia ma andû, avire nthakame yayo vandû varîa vatheru Mûno na amîminjaminje îgûrû rîa gîkunîko wana vau mbere ya îthandûkû rîa kîrîkanîro, wata ûrîa eekire na nthakame ya ndegwa.

Alawi 16:5

“Nao andû a Isiraeli nîmakaanengera Aroni nthenge igîrî cia îtega rîa kûtheria mevia na ndûrûme ya îtega rîa kûvîvua.

Alawi 23:12

Mûthenya wa ûcio mûkaaruta gîkûmbwa Kîam irio, nîmûkaaruta gatûrûme ga ûkûrû wa mwaka ûmwe gatarî na wonje.

Alawi 4:23

na acoke amenyithue wîvia ûcio, nîakaaruta nthenge îtarî na wonje rîrî îtega rîake.

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Alawi 9:2

na akîra Aroni atîrî, “Oca ndegwa îtarî ngûrû ya îtega rîa kûtheria mevia na ndûrûme ya îtega rîa kûvîvua; cioîrî ciîthîrwe itarî na wonje na ûirutîre Ngai-Mûnene.

Alawi 9:4

ndegwa na ndûrûme cia îtega rîa thayû. Marutîre Ngai-Mûnene indo icio vamwe na matega ma irio cia mûgûnda itukanîtue na maguta nîûndû Ngai-Mûnene nîakûmaumîrîra ûmûnthî.”

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.