Alawi 8:35 - ÎVUKU RÎA ÛVORO MWARO

³⁵ Nwanginya mwîkare mûromorî wa îgema rîa Ngai-Mûnene ûtukû na mûthenya îvinda rîa mîthenya mûgwanja mûgîkaga ûrîa Ngai-Mûnene amwathîte nîguo mûtigakue. Ûguo nîguo Ngai-Mûnene ambathîte.”

Alawi 8:35 ပူးပေါင်းရင်းမြစ်များ

1Atha 2:3

na wîkage ûrîa Ngai-Mûnene, Ngai waku akwathîte wîkage. Vingagia mawatho make monthe, maathani make, matuîro make ma ciira na kîrîra gîake, wata ûrîa kwandîkîtwe wathorî wa Musa, nîguo ûkaathatûkwa mawîrarî monthe marîa ûkaaruta kûrîa kuonthe ûkaathiî.

Ntha 29:35

“Ûkaamûra Aroni na avîcî ake îvinda rîa mîthenya mûgwanja, na wa mûthenya ûcokagîre wa ûguo nakwatha.

Ezek 43:25

Îvinda rîa mîthenya mûgwanja, wa mûthenya ûkaarutaga nthenge îmwe, ndegwa na ndûrûme îtarî na maroro nîûndû wa îtega rîa kûthiria mevia.

Ezek 48:11

Gîcunjî kîu gîgaatuîka Kîam athînjîri-Ngai arîa amûre a njiarwa cia Zadoku arîa maandungatîre marî na wîvokeku. Acio matiandiganîria rîrîa Aisiraeli na Alawi acio engî maandiganîrie.

Alawi 10:1

Avîcî aîrî a Aroni, Nadabu na Abihu nîmoocire wa mûndû kanyûngû ga kûvîvîrua ûbani, magîkîra makara marî na mwaki kuo, magîkîra ûbani na makîrutîra Ngai-Mûnene. Nwatî mwaki ûcio ndwarî mwîtîkîrie nîûndû Ngai-Mûnene ndaathanîte arutîrwa guo.

Alawi 14:8

Mûndû ûcio nîakaathambia nguo ciake cionthe, enje njuîrî ciake cionthe na nîakaathera. Vuva wa ûguo nîagaacoka kûrî andû acio engî, nwatî nîagekara nja ya îgema rîake îvinda rîa mîthenya mûgwanja.

Alawi 8:30

Vuva wa ûguo, Musa nîwocire maguta mamwe marîa matheru na nthakame îmwe îrîa yarî îgûrû rîa metha ya kîgongoona na akîminjaminjîria Aroni na avîcî ake wa vamwe na nguo ciao. Ûguo nîguo aamûrire andû acio vamwe na nguo ciao.

Alawi 8:34

Ngai-Mûnene aambathire mbîke ûguo neka ûmûnthî nîguo mûtherue mevia.

Alawi 8:36

Kwoguo Aroni na avîcî ake nîmeekire maûndû monthe marîa Ngai-Mûnene amaathîte kûvîtûkîrîra kûrî Musa.

Ndari 19:12

Ke aketheragia na manjî mûthenya wa kathatû na mûthenya wa mûgwanja nîguo ethîrwe arî mûtheru. Nwatî angîrega kwîtheria mûthenya wa kathatû na wa mûgwanja, mûndû ûcio akethagîrwa atarî mûtheru.

Ndari 3:7

Andû acio makaarutaga wîra vandûrî va Aroni na va andû onthe marî îgemarî rîa Ngai-Mûnene na marî vandû varîa vatheru Mûno.

Ndari 9:19

Mavinda mamwe îtu nîrîekaraga îgûrû rîa îgema rîa gûcemanîrua kavinda karaca, na andû a Aisiraeli nîmaathîkagîra Ngai-Mûnene na matiathiîcaga mbere na rûgendo.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Gûco 11:1

“Endagani Ngai-Mûnene Ngai wenyu vîndî cionthe na mwathîkagîre maûndû marîa aathanîte, mawatho make, irîra ciake, na maathani make.

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

1Tim 5:21

Nîrî mbere ya Ngai na ya Jesû Kristû na mbere ya araika atheru, nîrakwatha ûvingagie maûndû mau nakwîra ûtagûcagûrania kana kîmenyano.

1Tim 6:13

Nîrakwatha nî mbere ya Ngai ûrîa ûvecaga indo cionthe mwoyo, na mbere ya Jesû Kristû ûrîa waumbûrire wîtîkio wake mbere ya Pontio Pilato,

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

2Tim 4:1

Nîrakûthaitha nîrî mbere ya Ngai na ya Jesû Kristû ûrîa ûgaatuîra andû arîa marî mwoyo na arîa akuû, na nîûndû nî araûka kwathana arî mûthamaki atî:

Ahib 7:28

Watho wa Musa nîûthuuraga andû arîa matarî agîrîru matuîke Athînjîri-Ngai arîa anene. Nwatî kîîranîro Kîam Ngai kîrîa Kîamthondekirwe na mwîvîtwa ûrîa waûkire vuva wa watho, ûthuuraga Mûriû ûrîa ûtuîtwe mwagîrîru tene na tene.