Alawi 8:21 - ÎVUKU RÎA ÛVORO MWARO

²¹ Nîwacokire akîthambia nyama cia nda vamwe na magûrû ma vuva, na akîvîvîria nyama cionthe îgûrû rîa metha ya kîgongoona rîrî îtega rîa kûvîvua, wata ûrîa Ngai-Mûnene aathanîte. Naguo mûtararûko wa rîo nîwakenirie Ngai-Mûnene.

Alawi 8:21 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Ntha 12:9

Mûtikarîe nyama mbîthî kana itherûkîtue na manjî, nwatî tûtûrûme tûu tûkaarîwa tuonthe tûvîvîtue wana ciongo ciatuo, magûrû wa na nyama cia nda.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ntha 40:16

Musa nîwekire maûndû monthe wata ûrîa Ngai-Mûnene aamwathîte.

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:17

Nîagaacoka amînyite mathagu na amîtarûranie, nwatî ndakaamîtucanie, na amîvîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.”

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 2:9

Mûthînjîri-Ngai nîagooca gacunjî kamwe ka îtega rîu karî kîririkania atî îtega rîu rîonthe rîa irio cia mûgûnda rîrutîrîtwe Ngai-Mûnene. Nîagaacoka avîvîrie gacunjî kau îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 8:13

Musa nîwacokire akîra avîcî a Aroni maumîre vau mbere na akîmekîra nguo, akîmova mîcivi ciûnorî ciao, na akîmova itambaa ciongorî ciao, wata ûrîa Ngai-Mûnene aathanîte.

Alawi 8:9

Nîwamwovire kîremba kîongorî na mwena wa mbere wakîo agîgîkîra kavengere ka thaavu katheru, rûrî rûûri rwa kwonania atî nîwamûrwa, wata ûrîa Ngai-Mûnene aamwathîte.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.