Alawi 8:14 - ÎVUKU RÎA ÛVORO MWARO

¹⁴ Nîwacokire akîvira ndegwa ya îtega rîa kûtheria wîvia, na Aroni vamwe na avîcî ake nîmaaigîrîre njara ciao kîongorî Kîamyo.

Alawi 8:14 ပူးပေါင်းရင်းမြစ်များ

Thaburi 66:15

Nîngaakûrutîra matega ma kûvîvua ma nyamû irîa noru, îgongoona rîa matega ma kûvîvua ma ndûrûme, nîngaaruta îtega rîa ndegwa na mbûri.

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Ezek 43:19

Athînjîri-Ngai a mûvîrîga wa Lawi a njiarwa cia Zadoku na matungataga mbere yakwa, nie Ngai-Mûnene nauga makaavewa karegwa magakaruta karî îgongoona rîa kûthiria mevia.

Ezek 43:20

Nîûgoca nthakame îmwe na ûmîvake mîtîrî îo yumîrîte ta mvîa mîthiiarî îrîa îna ya metha ya kîgongoona, na mîenarî ya gîcunjî Kîam gatagatî Kîam metha ya kîgongoona na kamûgûkûrî karîa kamîthiûrûrûkîrîtie. Ûguo nîguo ûkaatheria metha ya kîgongoona na ûmîamûre.

Ezek 44:27

Mûthenya ûrîa akaathiî vandûrî varîa vatheru kîvarorî Kîam ndarî gûtungata, nîakaaruta îgongoona rîa kûthiria mevia make nîguo acoke gûtungata rîngî. Nînie Ngai-Mûnene nauga ûguo.

Alawi 1:4

Mûndû ûcio nî akaaigîrîra njara yake kîongorî Kîam nyamû îo îkûrutwa îrî îtega rîa kûvîvua, nayo nîgetîkîrîka nîûndû wake nîguo rîmûtherie mevia.

Alawi 16:21

Aroni nîakambararia njara ciake cioîrî îgûrû rîa kîongo Kîam mbûri na agwete maûndû monthe macûku ma andû a Isiraeli, mevia mao monthe, na ûremi wao, na amatonyie mbûrirî îo. Mbûri îo nîgaacoka îrekererue îthiî na kûu werûrî nî mûndû ûrîa ûvetwe wîra ûcio.

Alawi 16:6

Nake Aroni nîakaaruta ndegwa îrî îtega rîa kûtheria mevia make ke mwene na ma andû a mûciî wake.

Alawi 4:15

Atongoria a andû nî makaaigîrîra njara ciao kîongorî Kîam ndegwa îo, na nîkaaûragwa Ngai-Mûnene akîonaga.

Alawi 8:2

“Oca Aroni na avîcî ake mûthiî nao mûromorî wa îgema rîakwa na ûthiî na nguo cia ûthînjîri-Ngai, maguta ma kwamûrana, ndegwa ya îtega rîa kûtheria wîvia, ndûrûme ciîrî, na gîkavu kîrî na mîgate îtarî mîkîre ndawa ya kwimbia.

Ndari 8:12

Alawi nîmagaacoka maigîrîre njara ciao îgûrû rîa ciongo cia ndegwa icio. Nîûkaaruta îmwe yacio kûrî Ngai-Mûnene îrî îtega rîa kûtheria mevia, nayo îo îngî îrî îtega rîa kûvîvua nîûndû wa kûtheria Alawi.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,