Alawi 7:19 - ÎVUKU RÎA ÛVORO MWARO

¹⁹ Nyama irîa ingîvutania na kîndû wa kîonthe kîrî na mûgiro itiagîrîrwe nî kûrîwa, nwatî ciagîrîrwe nî kûvîvua. Andû onthe arîa matarî na mûgiro nwa marîe nyama icio,

Alawi 7:19 ပူးပေါင်းရင်းမြစ်များ

Alawi 6:27

Mûndû wa wonthe kana kîndû wa kîonthe kîngîvutia nyama cia nyamû îo nîgîgaatuîka kîtheru. Nguo ciao ingîminjûkîrwa nî nthakame ya nyamû îo, nwanginya ikaathambîrua vandûrî varîa vatheru.

Alawi 7:18

Ethîrwa imwe cia nyama icio nwa irîwe mûthenyarî wa kathatû Ngai ndageetîkîra mûndû ûcio ûkethîrwa akîruta îtega rîu. Narîo îtega rîake rîtigeetîkîrîka na rîkethîrwa rîrî mûgiro, nake mûndû wa wonthe ûkaarîa nyama icio nîakaaverithua.

Alawi 7:20

nwatî mûndû ûrîa ûrî na mûgiro angîrîa nyama icio, mûndû ûcio nîakaamûranua na andû a Ngai-Mûnene.

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Ciîko 10:28

Nîwamerire atîrî, “Mue andû aya nîmwîcî waro atî Ayahudi tî etîkîrie nî ndini yao matukane kana maceranîre na Andû a Ndûrîrî. Nwatî Ngai nîamonetie atî nie ndiagîrîrwe nî kuga mûndû wana ûrîkû atî arî na mûgiro kana atî tî mûtheru.

Aroma 14:14

Na nîûndû wa kwîthîrwa tûrî kîndû kîmwe na Mwathani Jesû, nîmenyete waro atî gûtirî irio ciîthagîrwa irî njûku cio mene. Nwatî mûndû ethîrwa nwa ecirie atî kûrî irio njûku, irio icio nî njûku tu kûrî mûndû ûcio.

Aroma 14:20

Mûtigacûkie wîra wa Ngai nîûndû wa irio. Irio cionthe nî ntheru, nwatî nî naaî kûrîa irio irîa ingîtûma mûndû ûrîa wîngî agûe meviarî.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.