Alawi 7:18 - ÎVUKU RÎA ÛVORO MWARO

¹⁸ Ethîrwa imwe cia nyama icio nwa irîwe mûthenyarî wa kathatû Ngai ndageetîkîra mûndû ûcio ûkethîrwa akîruta îtega rîu. Narîo îtega rîake rîtigeetîkîrîka na rîkethîrwa rîrî mûgiro, nake mûndû wa wonthe ûkaarîa nyama icio nîakaaverithua.

Alawi 7:18 ပူးပေါင်းရင်းမြစ်များ

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Isaia 65:4

Mekaraga mbîîrîrarî na makararaga methithîte. Marîcaga nyama cia ngûrwe na makanyunyaga mûthûri wa nyama irîa irî mûgiro.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Jeremia 14:10

Îgûrû rîgiî andû aya Ngai-Mûnene arauga atîrî: “Mendaga gûtûûra maûrûraga, mativurûkaga, kwoguo Ngai-Mûnene ndametîkagîra, na rîu nîakûririkana waganu wao, na amaverithie nîûndû wa mevia mao.”

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Alawi 10:17

“Mwaregire kûrîa îtega rîa kûtheria mevia mûrî vandû varîa vamûre nîkî? Îtega rîu nî rîtheru mûno na Ngai-Mûnene amûvete rîo rîrî rîa kûtheria wîvia wa andû.

Alawi 10:19

Aroni nîwacokerie Musa atîrî, “Taroria, andû maarutire îtega rîa kûtheria mevia na maruta îtega rîa kûvîvua ûmûnthî kûrî Ngai-Mûnene, nwatî ciana ciakwa ciîrî nîikwire. Nîngîrarîte îtega rîa kûtheria mevia ûmûnthî, Ngai-Mûnene nîangîkenire?”

Alawi 11:41

“Nyamû cionthe irîa ikurumaga gûkû nthî irî mûgiro kûrî mue, mûtikairîe.

Alawi 17:16

Angîkaarega kûthambia nguo ciake, kana arege kwîthambia, nîakaaverithua.”

Alawi 19:5

“Rîrîa mûkûndutîra îtega rîa thayû, rûmagîrîrani mawatho marîa nîmûvete, na îtega rîenyu rîgetîkîrîkaga.

Alawi 20:17

Mûndûmûrûme ûkaavikia mwarwang'ina, marî a ng'ina ûmwe kana matarî a ng'ina ûmwe, kîu nî gîîko Kîam ûûra nthoni na andû acio nî makaamûranua na andû acio engî. Mûndûmûrûme akethîrwa aconorithîtie mwarwang'ina na nî akaaverithua nîûndû wa wîvia wake ke mwene.

Alawi 20:19

Mûndûmûrûme angîkaamenyana kîîmwîrî na tatawe, kûu nî gûconorithia mûndû wa nthakame yake. Andû acio wa oîrî nîmakaaverithua nîûndû wa mevia mao o ene.

Alawi 22:16

na njîra ya gwîtîkîria mûndû ûtarî mwîtîkîrie kûrîa irio icio. Mûndû ta ûcio angîrîa irio icio nwa ethîrwe arî na wîvia na nwa averithue.” Nie nînie Ngai-Mûnene na nînie ntheragia matega.

Alawi 22:23

Nwa mûrute ndegwa kana ndûrûme îciarîtwe îrî kîthua rîrî îtega rîa kwîyendera, nwatî nyamû ta îo ndîngîamûkîrîka rîrî îtega rîa kûvingia mwîvîtwa.

Alawi 22:25

“Mûtikarutîre Ngai-Mûnene nyamû yumîte kûrî andû arîa matûûraga Kanaani. Nyamû icio tî mbaro cia kûrutwa magongoona nîûndû ene cio nîmaikarambaga.”

Alawi 5:17

“Ethîrwa mûndû wa wonthe nwa evie atakwenda na njîra ya kuna rîmwe rîa maathani ma Ngai-Mûnene, mûndû ûcio arî na mavîtia na nwanginya akaaverithua.

Alawi 7:19

Nyama irîa ingîvutania na kîndû wa kîonthe kîrî na mûgiro itiagîrîrwe nî kûrîwa, nwatî ciagîrîrwe nî kûvîvua. Andû onthe arîa matarî na mûgiro nwa marîe nyama icio,

Amosi 5:22

Wana mwandutîra matega ma kûvîvua na matega ma irio cia mîgûnda ndikaametîkîra. Na ndigetîkîra matega menyu ma thayû ma nyamû irîa noru.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Ndari 18:27

Îtega rîu rîkaamûkagîrwa rîrî irio cia mûgûnda na ndivei irîa mûrîmi andutagîra.

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.