Alawi 6:5 - ÎVUKU RÎA ÛVORO MWARO

⁵ kana kîndû wa kîonthe evîtîrîte na njîra ya maveeni, nwanginya akaagîcokia kîonthe na akîongerere tûcunjî mîrongo îîrî îgûrû rîa îgana.

Alawi 6:5 ပူးပေါင်းရင်းမြစ်များ

2Sam 12:6

Na nwanginya arîve kamwatî kau maita mana nîûndû wa gwîka gîîko ta kîu na nîûndû ndaarî na ntha.”

Nehemia 10:35

Wa mwaka tûkaaviraga hekarûrî matega ma maciaro ma mbere ma mîgûnda yetû na matunda ma mbere marîa magaatunîvaga ma mîtî yetû.

Ntha 22:1

“Mûndû angîîa ndegwa kana ng'ondu na amîûrage kana amîendie, nîakaarîva ndegwa ithano îthenya rîa ndegwa îo kana ng'ondu inya îthenya rîa ng'ondu îo.

Ntha 22:4

Narîo ndegwa, mvunda kana ng'ondu îrîa aîîte îngînyitîkana arî nayo na îrî mwoyo, akaamîrîva maita maîrî.

Ntha 22:7

“Mûndû angîthithia mbeca kana indo kûrî mûndû wîngî nake mwîi aûke na aîe indo icio, mwîi angînyitwa nîakaarîva maita maîrî ma indo irîa aîîte.

Ntha 22:9

“Andû mangîgîa na ngarari nîûndû wa kîndû, wana angîthîrwa nî îgûrû rîgiî ndegwa, mvunda, ng'ondu, nguo kana kîndû wa kîonthe kîrîa kîûrîte, andû acio nwanginya makaavirwa varîa vagoocagîrwa Ngai. Ûrîa Ngai akoonania atî nîke ûrî na mavîtia nî akaarîva ûcio wîngî maita maîrî ma kîrîa magûkararanagîria.

Ntha 30:7

Aroni akaavîvagîria ûbani mûnungi waro îgûrû rîa metha ya kîgongoona iraûko cionthe rîrîa agûka gwakia taa.

Isaia 58:6

“Kwînyerekia kûrîa kûngenagia nî gûkû: kûthengutia mînyororo ya gûkinyanîrîria na ya kwimana kîvooto; kûrekereria andû arîa akinyîrîrie, na kûthengutia mînyororo ya mîthemba yonthe.

Isaia 58:9

Vîndî îo mûkaavoyaga, nanie Ngai-Mûnene ngegua mavoya menyu. Mûkaambîtaga, nanie ngamwîtîka. “Mûngîtiga gûkinyanîrîria, na mûtigane na rûthûro rwa mîthemba yonthe, na mûtigane na mîario yonthe mîcûku;

Ezek 33:15

kethîrwa mûndû ûcio mwaganu nwa acokie kîndû kîrîa eeranîre na acokie indo irîa acunanîte na vinya na acoke arûmîrîre watho, mûndû ûcio ndagaakua nwatî nîagaatûûra mwoyo.

Alawi 5:16

Nwanginya akaarîva kîrîa ataarîvîte na nwanginya ongerere tûcunjî mîrongo îîrî îgûrû rîa îgana. Nîakaavirîra mûthînjîri-Ngai, nake mûthînjîri-Ngai arute nyamû îo îrî îgongoona rîa kûtheria wîvia wa mûndû ûcio, na mûndû ûcio nîakooverwa.

Luka 19:8

Nake Zakayo nîwaumîrire vau mbere yao onthe na akîîra Mwathani atîrî, “Tathikîrîria Mwathani! Nie nîngûva athîni nuthu ya indo ciakwa. Na angîthîrwa kûrî mûndû nanacuuna kîndû gîake, nîngûmûrîva maita mana ma kîo.”

1Sam 12:3

Rîu nie nîrî ava. Ethîrwa kûrî na ûndû mûcûku naneka, nthitangani rîu tûrî mbere ya Ngai-Mûnene na mbere ya mûthamaki ûrîa ke eetîrîrie maguta. Nanaîa ng'ombe kana mvunda ya mûndû? Nanacuuna mûndû kîndû na njîra ya maveeni, kana ngakinyîrîria mûndû? Nanetîkîra gwoca îvaki kuuma kûrî mûndû wana ûrîkû? Ethîrwa naneka ûmwe wa maûndû mama, nie nîngûrîva.”