24 Ngai-Mûnene nîwerire Musa atîrî,
“Mwaregire kûrîa îtega rîa kûtheria mevia mûrî vandû varîa vamûre nîkî? Îtega rîu nî rîtheru mûno na Ngai-Mûnene amûvete rîo rîrî rîa kûtheria wîvia wa andû.
Nîakaaûragîra gatûrûme vandû varîa vatheru, varîa nyamû cia matega ma kûtheria mevia na cia matega ma kûvîvua ciûragagîrwa. Nwanginya ageeka ûguo nîûndû îtega rîa wîvia na îtega rîa kûtheria mevia nî ma mûthînjîri-Ngai na nî matheru mûno.
Îtega rîonthe rîa irio cia mûgûnda rîrîa mûthînjîri-Ngai akaarutaga rîkaavîvagua rîonthe; rîtikaarîwa.”
“Îra Aroni na avîcî ake mawatho megiî matega ma kûtheria mevia. Namo nî atî: nyamû ya îtega rîa kûtheria mevia îkaaûragagîrwa îgemarî rîa Ngai-Mûnene varîa nyamû cia matega ma kûvîvua ciûragagîrwa. Rîu nî îtega rîtheru mûno.
