Alawi 6:22 - ÎVUKU RÎA ÛVORO MWARO

²² Vîndî cionthe mwanake wa wonthe ûrîa ûgaatungata arî Mûthînjîri-Ngai Mûnene kuuma rûciarorî rwa Aroni nî akaaruta îtega rîu na nî rîkaavîvua rîonthe. Rîu nî rîathani rîa tene na tene.

Alawi 6:22 ပူးပေါင်းရင်းမြစ်များ

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Hosea 4:8

Metongetia na maketha ma andû akwa arîa evia, nîmeriragîria mûno kwona magîka mevia.

Alawi 3:17

Watho ûyû nî ûtûûra ûrûmagîrîrwa nî njiarwa cia Isiraeli, atî gûtirî Mûisiraeli ûkaarîa mathunya kana anyue nthakame kûrîa kuonthe magaatûûra.

Alawi 4:24

Nî akaaigîrîra njara yake kîongorî Kîamyo na amîûragîre varîa nyamû ya matega ma kûvîvua yûragagîrwa Ngai-Mûnene akîonaga. Rîîrî nî îtega rîa kûtheria wîvia.

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Alawi 6:10

Mûthînjîri-Ngai nîagekîra nguo yake ndaca na thuruvarî acoke oce mûu ûrîa ûgaatigara îgûrû rîa metha ya kîgongoona matega ma kûvîvua marîkia kûvîa na awige mwenarî wa metha ya kîgongoona.

Alawi 6:11

Nî agaacoka arute nguo icio ekîre ciîngî na akuue mûu ûcio na aûvire vandû varîa vatherie na kûu nja ya kûrîa matûûraga.

Alawi 6:21

Mûtu ûcio nî ûgaatukanua na maguta, ûrugwe na karaî, wenyûrangwe ûcoke ûrutîrwe Ngai-Mûnene rîrî îtega rîa irio cia mûgûnda. Mûtararûko wa îtega rîu nîûkenagia Ngai-Mûnene.

Alawi 6:23

Îtega rîonthe rîa irio cia mûgûnda rîrîa mûthînjîri-Ngai akaarutaga rîkaavîvagua rîonthe; rîtikaarîwa.”

Alawi 8:21

Nîwacokire akîthambia nyama cia nda vamwe na magûrû ma vuva, na akîvîvîria nyama cionthe îgûrû rîa metha ya kîgongoona rîrî îtega rîa kûvîvua, wata ûrîa Ngai-Mûnene aathanîte. Naguo mûtararûko wa rîo nîwakenirie Ngai-Mûnene.

Gûco 10:6

(Andû a Isiraeli nîmaaumire kûu ithimarî cia andû a Jaakani na makîthiî Mosera. Marî kûu, Aroni nîwakwire na akîthikwa. Nake Mûvîcî Eliazaru nîwatuîkire mûthînjîri-Ngai vuva wake.

Ahib 7:23

Athînjîri-Ngai a kîrîkanîro kîrîa gîkûrû meethagîrwa marî eengî, nwatî nîmaakucaga na kwoguo matiavotaga kûthiî na mbere gûtungata marî athînjîri-Ngai.