Alawi 6:20 - ÎVUKU RÎA ÛVORO MWARO

²⁰ “Îtega rîrîa Aroni na avîcî ake makaandutagîra vîndî îrîa makwamûrwa nî: kilo îmwe ya mûtu (mwîgana wa matega ma irio cia mûgûnda ma wa mûthenya). Akaaruta nuthu kilo ya mûtu ûcio kîraûko, nayo nuthu kilo îo îngî amîrute kîvwaî.

Alawi 6:20 ပူးပေါင်းရင်းမြစ်များ

1Maû 23:29

Alawi acio nîmaaveetwe wîra wa kwigagîrîra mûgate ûrîa mwamûre metharî, mûtu wa matega ma irio, mîgate îrîa îtekîrîtwe ndawa ya kwimbia, gûtukania mûtu na maguta ma mûtamaiyû na kûrûtha mîgate ya matega, kûthima ithimi irîa ciagîrîrîte,

Ntha 16:36

(Kîthimi kîrîa maathimaga nakîo kîndû kîûmû vîndî îo Kîamrî ta lita mîrongo îîrî.)

Ntha 29:2

Ûcoke woce mûtu ûrîa mwaro wa ngano na ûtarî mwîkîre ndawa ya kwimbia ûrûthe mîgate na maguta ma ndamaiyû, na tûmîgate twîngî tûceke tûrugîtwe tûkînavakwa maguta ma ndamaiyû.

Alawi 23:13

Mûgaakarutanîria vamwe na kilo igîrî cia mûtu ûtukanîtue na maguta ma ndamaiyû rîrî îtega rîa kûvîvua. Mûtararûko wa îtega rîu nîûkenagia Ngai-Mûnene. Mûkaaruta îtega rîu vamwe na îtega rîa lita îmwe ya ndivei.

Alawi 5:1

Ethîrwa mûndû wa wonthe nîetîtwe akavecane ûira îgootirî na arege kûvecana ûvoro wîgiî ûndû ûrîa onete kana eguîte, nwanginya akaaverithua nîûndû wa mavîtia make.

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Alawi 6:11

Nî agaacoka arute nguo icio ekîre ciîngî na akuue mûu ûcio na aûvire vandû varîa vatherie na kûu nja ya kûrîa matûûraga.

Alawi 6:19

Ngai-Mûnene nîwerire Musa atîrî,

Ndari 28:10

Îtega rîîrî rîa kûvîvua rîkaarutagwa wa mûthenya wa thavatû, vamwe na matega marîa mengî ma wa mûthenya na matega na ndivei.

Ndari 28:3

Mama nîmo matega ma kûvîvua marîa makandutagîra wa mûthenya: tûtûrûme twîrî tûrî na ûkûrû wa mwaka ûmwe na tûtarî na wonje.

Ndari 4:16

“Eliazaru mûvîcî wa mûthînjîri-Ngai Aroni nîke ûkaamenyagîrîra îgema rîa gûcemanîrua rîonthe, maguta ma taa, ûbani, matega ma irio cia mîgûnda, maguta ma kûrathimana na kîndû kîngî wa kîonthe Kîam îgema rîa gûcemanîrua kîrîa Kîammûrîrîtwe Ngai-Mûnene.”

Ahib 5:1

Mûthînjîri-Ngai mûnene wa wonthe athuuragwa kuuma kûrî andû na akavewa wîra wa gûtungatîra Ngai vandûrî va andû. Ke nîarutaga iveo na magongoona ma mevia.

Ahib 7:27

Ndekariî ta Athînjîri-Ngai arîa anene. Ke ndavatiî kûrutaga îgongoona wa mûthenya mbere nîûndû wa mevia make, na acoke arute îgongoona nîûndû wa mevia ma andû. Nîwarutire îgongoona riita rîmwe rîa kwîgana. Eekire ûguo rîrîa eerutire ke mwene.