Alawi 6:16 - ÎVUKU RÎA ÛVORO MWARO

¹⁶ Mûtu ûcio wîngî ûkaarîwa nî Aroni na avîcî ake. Ûkaarîrwa vandûrî varîa vatheru, na nîvo nja ya îgema rîa Ngai-Mûnene, ûtekîrîtwe ndawa ya kwimbia.

Alawi 6:16 ပူးပေါင်းရင်းမြစ်များ

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

Ntha 12:8

Ûtukû ûcio andû a Isiraeli makaarîa nyama cia tûtûrûme ivîvîtue, na irîcanîrue na manyenyi marûrû na mîgate îtarî mîkîre ndawa ya kwimbia.

Ezek 44:29

Matega ma irio cia mîgûnda, matega ma kûthiria mevia na matega ma kûrîva mevia makarîcagwa nî athînjîri-Ngai. Indo cionthe vûrûrirî wa Isiraeli irîa ciamûrîrîtwe Ngai igatuîkaga ciao.

Alawi 2:3

Matega ma irio marîa magaatigara nî ma athînjîri-Ngai; nî matheru mûno nîûndû nî mamwe ma irio irîa irutîrîtwe Ngai-Mûnene.

Alawi 5:13

Ûguo nîguo mûthînjîri-Ngai akaaruta îgongoona rîa kûtheria wîvia wa mûndû ûcio na mûndû ûcio nî akoverwa. Mûtu ûcio wîngî nî wa mûthînjîri-Ngai, wata ûrîa gwîkagwa na matega ma irio cia mûgûnda.

Alawi 6:23

Îtega rîonthe rîa irio cia mûgûnda rîrîa mûthînjîri-Ngai akaarutaga rîkaavîvagua rîonthe; rîtikaarîwa.”

Alawi 6:26

Mûthînjîri-Ngai ûrîa ûkaaruta nyamû îo akaamîrîra vandûrî varîa vatheru, na vau nja ya îgema rîa Ngai-Mûnene.

Ndari 18:8

Ngai-Mûnene nîwerire Aroni atîrî, “Nînakûva we vamwe na njiarwa ciaku matega monthe marîa ndutîrîtwe nî andû a Isiraeli. Nînamûva indo icio cionthe irî gîcunjî kîenyu na nîitûûra irî cienyu.

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.