Alawi 6:13 - ÎVUKU RÎA ÛVORO MWARO

¹³ Mwaki ûcio nwanginya wîkarage ûgîakanaga vîndî cionthe îgûrû rîa metha ya kîgongoona na ndûkarekwe ûvora.

Alawi 6:13 ပူးပေါင်းရင်းမြစ်များ

Ntha 29:1

“Ûkîamûra Aroni na avîcî ake nîguo mandungatagîre marî athînjîri-Ngai ûgeeka atîrî: ûgooca karegwa gatarî gakûrû na ndûrûme igîrî itarî na maroro.

Ntha 29:2

Ûcoke woce mûtu ûrîa mwaro wa ngano na ûtarî mwîkîre ndawa ya kwimbia ûrûthe mîgate na maguta ma ndamaiyû, na tûmîgate twîngî tûceke tûrugîtwe tûkînavakwa maguta ma ndamaiyû.

Ntha 29:40

Rutaga ndûrûme ya mbere vamwe na kilo îmwe ya mûtu ûrîa mûvinyu wa ngano ûtukanîtue na lita îmwe ya maguta maro ma ndamaiyû, na lita îmwe ya ndivei ya gwîtûrûrwa.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Ezek 40:46

Nako kanyomba karîa karoretie mwena wa rûgûrû nî ka athînjîri-Ngai arîa matungataga metharî ya kîgongoona. Athînjîri-Ngai acio nî njiarwa cia Zadoku na nîo onga kuuma mûvîrîgarî wa Lawi maarî etîkîrie gûtungata Ngai-Mûnene.”

Alawi 6:12

Mwaki ûcio wa kûvîvia matega îgûrû rîa metha ya kîgongoona nwanginya wîkarage ûgîakanaga na ndûkarekwe ûvora. Mûthînjîri-Ngai nwanginya ongagîrîre ngû mwakirî ûcio iraûko cionthe, akavanga waro matega ma kûvîvua îgûrû rîacio na akavîvîria mathunya ma îtega rîa thayû vo.

Alawi 6:14

“Mama nîmo mawatho megiî matega ma irio cia mûgûnda. Ûmwe wa athînjîri-Ngai a mbarî ya Aroni nîakaarutîra Ngai-Mûnene matega ma irio cia mûgûnda vau mbere ya metha ya kîgongoona.

Alawi 6:9

“Îra Aroni na avîcî ake mawatho megiî matega ma kûvîvua. Namo nî atî: îtega rîa kûvîvua rîgaatigagwa îgûrû rîa metha ya kîgongoona rîkîvîvagua nî mwaki ûtukû wonthe.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.