Alawi 5:18 - ÎVUKU RÎA ÛVORO MWARO

¹⁸ Nwanginya akaavirîra mûthînjîri-Ngai ndûrûme îtarî na wonje kuuma ndîthiarî yake îrî îtega rîa kûthiria wîvia. Naguo thogora wayo wîthîrwe ûrî mwîgana wa kîthimi kîrîa gîtîkîrîku. Mûthînjîri-Ngai nîakaaruta îgongoona rîa kûthiria wîvia ûrîa mûndû ûcio ekîte atakûmenya, na mûndû ûcio nîakooverwa.

Alawi 5:18 ပူးပေါင်းရင်းမြစ်များ

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 1:4

Mûndû ûcio nî akaaigîrîra njara yake kîongorî Kîam nyamû îo îkûrutwa îrî îtega rîa kûvîvua, nayo nîgetîkîrîka nîûndû wake nîguo rîmûtherie mevia.

Alawi 14:12

Mûthînjîri-Ngai nîagooca gatûrûme kamwe vamwe na mililita magana mathatû ma mîrongo îthatû (330 ml) cia maguta na airute irî îtega rîa kûtheria mevia. Akaairuta irî kîveo Kîam mwanya kûrî Ngai-Mûnene.

Alawi 4:20

Ageeka na ndegwa îo wata ûrîa eekire na ndegwa ya îtega rîa kûtheria mevia. Nî akaaruta îgongoona nîûndû wa kûtheria wîvia wa andû wata ûguo, na nî makooverwa.

Alawi 5:17

“Ethîrwa mûndû wa wonthe nwa evie atakwenda na njîra ya kuna rîmwe rîa maathani ma Ngai-Mûnene, mûndû ûcio arî na mavîtia na nwanginya akaaverithua.

Alawi 5:19

Rîu nîrîo îtega rîa kûthiria wîvia ûrîa mûndû ûcio evîrîtie Ngai-Mûnene naguo.”

Ndari 15:24

Ethîrwa andû onthe maaregire kûvingia mawatho mau matakûmenya, makaarutaga ndegwa îmwe îrî îtega rîa kûvîvua nîguo mûtararûko warîo ûkenie Ngai-Mûnene. Makaarutanagîria na îtega rîa irio cia mûgûnda, na îtega rîa indo cia kûnyuwa, na marute nthenge îmwe rîrî îtega rîa kûtheria mevia.