Alawi 5:17 - ÎVUKU RÎA ÛVORO MWARO

¹⁷ “Ethîrwa mûndû wa wonthe nwa evie atakwenda na njîra ya kuna rîmwe rîa maathani ma Ngai-Mûnene, mûndû ûcio arî na mavîtia na nwanginya akaaverithua.

Alawi 5:17 ပူးပေါင်းရင်းမြစ်များ

Thaburi 19:12

Gûtirî mûndû wonaga mevia make ke mwene; ntheria we Ngai-Mûnene kuuma kûrî mavîtia marîa mbîkaga ndakûmenya.

Alawi 4:13

“Ethîrwa nî andû onthe a Isiraeli mevîtie na njîra ya kuna rîathani rîmwe rîa maathani ma Ngai-Mûnene matakûmenya,

Alawi 4:22

“Ethîrwa nî mûtongoria wîvîtie atakûmenya na njîra ya kuna rîmwe rîa maathani ma Ngai-Mûnene,

Alawi 4:27

“Ethîrwa nî mûndû ûtarî mûthînjîri-Ngai na ûtarî mûtongoria wîvîtie na njîra ya kuna rîmwe rîa maathani ma Ngai-Mûnene atakûmenya,

Alawi 5:15

“Mûndû wa wonthe angîvia atakûmenya na njîra ya kûrega kûruta indo nyamûre irîa irutagîrwa Ngai-Mûnene, nî akaarutîra Ngai-Mûnene mwatî ûtarî na wonje kuuma ndîthiarî yake. Naguo wîthîrwe ûrî na thogora ûrîa ûgaatua wa sîlûva kûringana na kîthimi kîrîa gîtîkîrîku Kîam vandû varîa vatheru.

Alawi 5:18

Nwanginya akaavirîra mûthînjîri-Ngai ndûrûme îtarî na wonje kuuma ndîthiarî yake îrî îtega rîa kûthiria wîvia. Naguo thogora wayo wîthîrwe ûrî mwîgana wa kîthimi kîrîa gîtîkîrîku. Mûthînjîri-Ngai nîakaaruta îgongoona rîa kûthiria wîvia ûrîa mûndû ûcio ekîte atakûmenya, na mûndû ûcio nîakooverwa.

Alawi 5:19

Rîu nîrîo îtega rîa kûthiria wîvia ûrîa mûndû ûcio evîrîtie Ngai-Mûnene naguo.”

Luka 12:48

Nwatî ndungata îrîa îtaicî ûrîa mwathi wayo endaga na îkaga ûndû ûrîa ûngîtûma îverithue, nîkaavewa îvera rîa kûrivwa vanini na kîvoko. Mûndû ûrîa wîvoketwe na indo nyîngî nîageetua indo nyîngî; na ûrîa nake wîvoketwe na nyîngî makîria, nîageetua nyîngî makîria.

Aroma 14:23

Nwatî angîthîrwa arî na nganja îgûrû rîa kîrîa arîcaga, Ngai nîamûtucagîra nîûndû areka ûndû ûrîa ûtaumanîte na wîtîkio wake. Na ûndû wa wonthe ûtaumanîtie na wîtîkio nî wîvia.