Alawi 5:15 - ÎVUKU RÎA ÛVORO MWARO

¹⁵ “Mûndû wa wonthe angîvia atakûmenya na njîra ya kûrega kûruta indo nyamûre irîa irutagîrwa Ngai-Mûnene, nî akaarutîra Ngai-Mûnene mwatî ûtarî na wonje kuuma ndîthiarî yake. Naguo wîthîrwe ûrî na thogora ûrîa ûgaatua wa sîlûva kûringana na kîthimi kîrîa gîtîkîrîku Kîam vandû varîa vatheru.

Alawi 5:15 ပူးပေါင်းရင်းမြစ်များ

2Atha 12:16

Mbeca irîa ciarutagwa irî matega ma mavîtia na irîa ciarutagwa irî matega ma kûtheria mevia, itiaviragwa hekarûrî; nîûndû ciarî cia athînjîri-Ngai.

Ezira 10:19

Nao nîmeeranîre atî nîmagûtecana na aka ao na nîmaarutire ng'ondu ya kîgongoona nîûndû wa mevia mao:

Ntha 30:13

Mûndû wa wonthe ûgaatarwa nwanginya akaarîva mwîgana wa mbeca irîa ikendekana ithimîtwe na kîthimi kîrîa kîtheru gîtîkanîrie. Mûndû wonthe nwanginya akaarîva îrîvi rîu rîrî îtega kûrî nie, Ngai-Mûnene.

Ezek 40:39

Kanyombarî kau kaarî kîvingorî kwarî na metha igîrî mwena ûmwe na ûcio wîngî metha igîrî. Metha icio ciarî cia kûthînjîra nyamû cia magongoona ma kûvîvua, magongoona ma mevia na cia magongoona ma kûthengutîrua mavîtia.

Alawi 1:10

“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 14:12

Mûthînjîri-Ngai nîagooca gatûrûme kamwe vamwe na mililita magana mathatû ma mîrongo îthatû (330 ml) cia maguta na airute irî îtega rîa kûtheria mevia. Akaairuta irî kîveo Kîam mwanya kûrî Ngai-Mûnene.

Alawi 27:3

Mûndûmûrûme arî na ûkûrû wa kuuma mîaka mîrongo îîrî kûthiî mîaka mîrongo îtandatû: tûcunjî mîrongo îtano (50) twa sîlûva.

Alawi 4:2

“Îra andû a Isiraeli atî, mûndû wa wonthe angîvia na atakûmenya aune rîathani wanarî rîmwe rîa mama Ngai-Mûnene athanîte, nwanginya arûmîrîre mawatho mama marûmîrîrîte.

Alawi 5:14

Ngai-Mûnene nîwerire Musa atîrî,

Alawi 5:16

Nwanginya akaarîva kîrîa ataarîvîte na nwanginya ongerere tûcunjî mîrongo îîrî îgûrû rîa îgana. Nîakaavirîra mûthînjîri-Ngai, nake mûthînjîri-Ngai arute nyamû îo îrî îgongoona rîa kûtheria wîvia wa mûndû ûcio, na mûndû ûcio nîakooverwa.

Alawi 5:18

Nwanginya akaavirîra mûthînjîri-Ngai ndûrûme îtarî na wonje kuuma ndîthiarî yake îrî îtega rîa kûthiria wîvia. Naguo thogora wayo wîthîrwe ûrî mwîgana wa kîthimi kîrîa gîtîkîrîku. Mûthînjîri-Ngai nîakaaruta îgongoona rîa kûthiria wîvia ûrîa mûndû ûcio ekîte atakûmenya, na mûndû ûcio nîakooverwa.

Alawi 6:6

Nîakaavirîra mûthînjîri-Ngai ndûrûme îtarî na wonje îrî îtega rîa kûthiria mavîtia make kûrî Ngai-Mûnene. Naguo mwîgana wa thogora wayo wîthîrwe ûrî wa kîthimi kîrîa gîtîkîrîku.

Alawi 7:1

Mawatho mama marûmîrîrîte nîmo megiî îtega rîa kûthiria wîvia. Îtega rîu nî rîtheru mûno.

Alawi 7:6

Mûndûmûrûme wa wonthe wa nyomba ya mûthînjîri-Ngai nwa arîe nyama icio ciîngî cia nyamû îo, nwatî nwanginya îkaarîrwa vandûrî varîa vatheru, nîûndû icio nî ntheru mûno.

Ndari 15:24

Ethîrwa andû onthe maaregire kûvingia mawatho mau matakûmenya, makaarutaga ndegwa îmwe îrî îtega rîa kûvîvua nîguo mûtararûko warîo ûkenie Ngai-Mûnene. Makaarutanagîria na îtega rîa irio cia mûgûnda, na îtega rîa indo cia kûnyuwa, na marute nthenge îmwe rîrî îtega rîa kûtheria mevia.

Ndari 5:5

Ngai-Mûnene nîwerire Musa eere Aisiraeli atîrî,

Ndari 5:8

Nwatî ethîrwa mûndû ûcio wavîtîrîtue nî mûkuû na gûtirî mûndû ûngîmûgaa, îrîvi rîake rîkaaviragîrwa Ngai-Mûnene rîrî rîa mûthînjîri-Ngai. Rîkaaviragwa vamwe na ndûrûme ya kûtheria wîvia wa mûndû ûcio wîvîtie.

Gûco 12:26

Viragani matega menyu na indo irîa mwîrîrîte Ngai-Mûnene varîa akaathuura va kûgoocagîrwa.

1Sam 6:3

Nao athînjîri-ngai na aragûri nîmaacokirie makiuga atîrî, “Ethîrwa nîmûgûcokia îthandûkû rîa Kîrîkanîro rîa Ngai wa Isiraeli-rî, mûtikarîcokie mûtarî na kîveo. Nwanginya mûthiî mûrî na kîveo gîa kûrutîra Ngai kîgongoona nîûndû wa wîvia wenyu. Îo nîyo njîra îrîa mûkaavonua nayo mûmenye gîtûmi kîrîa kîratûmaga ekare akîmûverithagia.”