Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Alawi 4:3 - ÎVUKU RÎA ÛVORO MWARO

3 Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

အခန်းကိုကြည့်ပါ။ ကော်ပီ




Alawi 4:3
32 ပူးပေါင်းရင်းမြစ်များ  

Nîmaathiîre na ndegwa mûgwanja, ndûrûme mûgwanja, tûgondu mûgwanja na nthenge mûgwanja cia matega ma kûtheria mevia ma andû a nyomba ya mûthamaki, andû a Juda na hekarû. Mûthamaki Hezekia nîwathire athînjîri-Ngai, njiarwa cia Aroni makarutîre matega mau metharî ya kîgongoona ya Ngai-Mûnene.


Andû onthe arîa maacokete kuuma îthamîriorî nîmaacokire makîrutîra Ngai wa Isiraeli matega ma kûvîvua. Nîmaarutire ndegwa îkûmi na igîrî nîûndû wa vûrûri wonthe wa Isiraeli, ng'ondu mîrongo kenda na ithathatû na tûtûrûme mîrongo mûgwanja na mûgwanja. Nîmaacokire makîruta mbûri îkûmi na igîrî nîûndû wa mevia mao. Nyamû icio cionthe nîciavîvirue irî matega ma Ngai-Mûnene.


Nwatî ûkaavîvîria nyama cia ndegwa, rûo rwayo, na tatha na kûu nja ya kûrîa andû matûûraga. Rîu nî îtega rîa kûtheria mevia ma athînjîri-Ngai.


Ûgaacoka woce nthakame îmwe kuuma metharî ya kîgongoona, na maguta ma kwamûrana na ûminjaminjîrie Aroni wana nguo ciake na ûcoke wîke wa guo kûrî avîcî ake na nguorî ciao. Ûguo nîguo Aroni, avîcî ake vamwe na nguo ciao makaamûrwa.


Ûcoke woce maguta ma kwamûrana na ûmwîtîrîrie mo kîongorî gîake na ûmwamûre.


Aroni akaarûthaga mambura ma kûtheria metha ya kîgongoona riita rîmwe wa mwaka. Akaamîtheragia na njîra ya gwîkîra mîtî îrîa yumîrîte ya metha ya kîgongoona nthakame ya nyamû îrîa îrutîtwe nîûndû wa îgongoona rîa kûtheria mevia. Îgongoona rîu nîrîtûûra rîrutagwa riita rîmwe wa mwaka nî njiarwa ciaku cionthe. Metha îno ya kîgongoona nî ntheru viû na nî nyamûrîre Ngai-Mûnene.”


Kanyombarî kau kaarî kîvingorî kwarî na metha igîrî mwena ûmwe na ûcio wîngî metha igîrî. Metha icio ciarî cia kûthînjîra nyamû cia magongoona ma kûvîvua, magongoona ma mevia na cia magongoona ma kûthengutîrua mavîtia.


Athînjîri-Ngai a mûvîrîga wa Lawi a njiarwa cia Zadoku na matungataga mbere yakwa, nie Ngai-Mûnene nauga makaavewa karegwa magakaruta karî îgongoona rîa kûthiria mevia.


Mûthenya ûrîa akaathiî vandûrî varîa vatheru kîvarorî Kîam ndarî gûtungata, nîakaaruta îgongoona rîa kûthiria mevia make nîguo acoke gûtungata rîngî. Nînie Ngai-Mûnene nauga ûguo.


“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.


Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.


“Aroni akîruta ndegwa îrî îtega rîa kûtheria mevia make ke mwene na ma andû a mûciî wake,


Agîtonya vandû varîa vatheru Mûno, nwanginya ambage kûruta ndegwa îtarî ngûrû îrî îtega rîa kûtheria mevia na ndûrûme îrî îtega rîa kûvîvua.


“Nao andû a Isiraeli nîmakaanengera Aroni nthenge igîrî cia îtega rîa kûtheria mevia na ndûrûme ya îtega rîa kûvîvua.


Nake Aroni nîakaaruta ndegwa îrî îtega rîa kûtheria mevia make ke mwene na ma andû a mûciî wake.


rîrîa wîvia ûcio ûkaamenyekana, andû onthe nîmakaaruta ndegwa îtarî ngûrû îrî îtega rîa kûtheria mevia. Makaamîvira îgemarî rîa Ngai-Mûnene.


na acoke amenyithue wîvia ûcio, nîakaaruta nthenge îtarî na wonje rîrî îtega rîake.


na acoke amenyithue wîvia ûcio, nî akaaruta mvarika îtarî na wonje îrî îtega rîa kûtheria wîvia ûcio ekîte.


Nake Mûthînjîri-Ngai Mûnene nîagooca nthakame îmwe ya ndegwa îo na amîtonyie îgemarî rîa Ngai-Mûnene.


Nîakaarutîra Ngai-Mûnene îtega rîa kûtheria wîvia ûrîa ekîte, narîo îtega rîu rîkeethîrwa rîrî rîa mwatî kana nthenge. Nake mûthînjîri-Ngai nîakaaruta îgongoona nîûndû wa kûtheria wîvia wa mûndû ûcio na nîakooverwa.


Mûndûmûrûme wa wonthe wa rûciaro rwa Aroni nwa arîe mûtu ûcio ûrî gîcunjî kîrîa magîrîrwe nî kûvecagwa kuuma kûrî irio irîa itegeretwe Ngai-Mûnene. Mûndû wîngî wa wonthe ûrîa ûkaavutia matega mau nîagaatuîka mûtheru.”


Nîwetîrîrie Aroni maguta kîongorî gîake na akîmwamûra.


na akîra Aroni atîrî, “Oca ndegwa îtarî ngûrû ya îtega rîa kûtheria mevia na ndûrûme ya îtega rîa kûvîvua; cioîrî ciîthîrwe itarî na wonje na ûirutîre Ngai-Mûnene.


Ûcoke wîre andû a Isiraeli moce nthenge ya îtega rîa kûtheria mevia, njaû na ng'ondu itarî na wonje cia îtega rîa kûvîvua; wa îmwe îthîrwe îrî na ûkûrû wa mwaka ûmwe,


Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”


Macoke moce ndegwa îmwe îtarî ngûrû, matega ma irio ma mûtu mûvinyu ûtukanîtue na maguta ma ndamaiyû na woce ndegwa îngî îtarî ngûrû ya îtega rîa kûtheria mevia.


Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.


Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.


Nîûndû ke mwene ethagîrwa atarî na vinya, nwanginya arute îgongoona nîûndû wa mevia make, wata ûrîa arutaga îgongoona nîûndû wa mevia ma andû.


Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ