Alawi 4:12 - ÎVUKU RÎA ÛVORO MWARO

¹² na aikuue cionthe aivire na kûu nja ya kûrîa matûûraga vandû varîa vatheru varîa mûu wîtûrûragwa na auge ivîvîrue vo.

Alawi 4:12 ပူးပေါင်းရင်းမြစ်များ

Ntha 29:14

Nwatî ûkaavîvîria nyama cia ndegwa, rûo rwayo, na tatha na kûu nja ya kûrîa andû matûûraga. Rîu nî îtega rîa kûtheria mevia ma athînjîri-Ngai.

Ezek 43:21

Wana nîûgoca ndegwa îrîa îrutîtwe ya îgongoona rîa kûthiria mevia na ûmîvîvîrie vandûrî varîa vamûrîrîtwe ûndû ûcio nja ya hekarû.

Alawi 13:46

Mûndû ûcio akethagîrwa atarî mûtheru rîrîa rîonthe akethagîrwa arûarîte mûrimû ûcio, kwoguo agaatûûraga nja ya kûrîa andû acio engî matûûraga.

Alawi 16:27

Ndegwa na mbûri irîa ciarutirwe irî îtega rîa kûtheria mevia, irîa nthakame yacio yavirirwe vandû varîa vatheru Mûno nîûndû wa kûtheria mevia, nîkaavirwa na kûu nja ya kûrîa andû matûûraga. Nacio njûo cia nyamû icio, nyama, na mara vamwe na tatha nî ikaavîvua.

Alawi 4:21

Vuva wa ûguo, mûthînjîri-Ngai Mûnene nî agooca ndegwa îo na amîvire na kûu nja ya kûrîa matûûraga na amîvîvîrie kuo, wata ûrîa aavîvirie ndegwa îrîa yarutîtwe nîûndû wa kûtheria wîvia wake ke mwene. Rîrî nî îtega rîa kûtheria wîvia wa andû onthe.

Alawi 6:23

Îtega rîonthe rîa irio cia mûgûnda rîrîa mûthînjîri-Ngai akaarutaga rîkaavîvagua rîonthe; rîtikaarîwa.”

Alawi 6:30

Nwatî ethîrwa kûrî nthakame wa yonthe îkaavirwa îgemarî rîa Ngai-Mûnene îrî ya gûtûmîrwa kûtheria mevia, nyamû îrîa yumîte nthakame îo ndîagîrîrwe nî kûrîwa, nwanginya îkaavîvua.”

Alawi 6:4

mûndû angîka wîvia ûmwe wa mau na amenye atî nîevîtie, nîagaacokia kîrîa aaîîte na njîra ya kûvinyanîrîria, kana kîrîa acunanîte, kana kîndû kîrîa aigîrîte mûndû kana kîndû kîrîa kîûru na agîkîona

Alawi 8:17

Nîwocire nyama icio ciîngî cia ndegwa îo, rûûo rwayo vamwe na mara na akîivîvîria nja ya kûu maatûûraga, wata ûrîa Ngai-Mûnene aathanîte.

Alawi 9:11

Nacio nyama na rûûo rwayo nîwaivîvîrie na kûu nja ya kûrîa maatûûraga.

Ndari 15:35

Ngai-Mûnene nîwacokire akîra Musa atîrî, “Mûndû ûcio nwanginya aûragwe; andû onthe a Isiraeli nîmamûrage na mathiga arî nja ya kûrîa maatûûraga.”

Ndari 19:3

na mamînenganîre kûrî Eliazaru, mûthînjîri-Ngai. Nayo nîîkarutwa nja ya kûrîa andû matûûraga na yûragwe akîonaga.

Ndari 19:5

Nayo mori îo yonthe, rûo, nyama, nthakame, na nyama cia nda ikaavîvua mûthînjîri-Ngai akîonaga.

Ndari 5:3

Îngatani arûme na aka onthe arîa marî na gîko maume kûrîa mûtûûraga nîguo matikagwatie kûndû kûu gîko nîûndû kûu nîkuo ndûûranagia na andû akwa.”

Ahib 13:11

Mûthînjîri-Ngai ûrîa mûnene wa Kîyahudi nî aviraga nthakame ya nyamû varîa vatheru Mûno nîguo akamîrute îrî îgongoona rîa mevia. Nwatî mîîrî ya nyamû icio îvîvagîrua na kûu nja ya kûrîa matûûraga.