Alawi 3:17 - ÎVUKU RÎA ÛVORO MWARO

¹⁷ Watho ûyû nî ûtûûra ûrûmagîrîrwa nî njiarwa cia Isiraeli, atî gûtirî Mûisiraeli ûkaarîa mathunya kana anyue nthakame kûrîa kuonthe magaatûûra.

Alawi 3:17 ပူးပေါင်းရင်းမြစ်များ

Kîam 9:4

Kîndû kîrîa tu mûtakaarîcaga nî nyamû îrîa yonthe yûragîtwe îtagwîtûrûra nthakame nîûndû mwoyo wayo ûrî nthakamerî.

2Maû 29:35

Îgûrû rîa matega meengî ma kûvîvua, kwarî na mathunya ma matega ma thayû na ndivei îrîa yarutanagîrua na matega ma kûvîvua. Kwoguo ûtungata hekarûrî nîwambîrîrie rîngî.

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Ntha 27:21

Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Ezek 33:25

“Kwoguo meere nie Ngai-Mûnene nîramera atî: Nîmûrîcaga nyama irî na nthakame, mûkavoya ngai cia mîvuano na mûkaûragana. Mûrona vûrûri ûyû wagîrîrwe nîgûtuîka wenyu?

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Ezek 44:7

Nîmagwatîtie hekarû yakwa mûgiro nîûndû wa gwîtîkîria ageni na andû arîa matarî aruu matonya hekarûrî rîrîa nîrarutîrwa maguta na nthakame ya magongoona. Kwoguo andû akwa nîmekîte maûndû marî magigi na nîmaunîte kîrîkanîro gîakwa.

Alawi 10:15

Magaaûka na Kîamû gîa kûgûrû kwa vuva vamwe na kîthûri vîndî îrîa mathunya makethîrwa makîrutîrwa Ngai-Mûnene rîrî îtega rîa kûvîvua. Tûcunjî tûu tûkethagîrwa tûrî twaku mûrî na ciana ciaku vîndî cionthe, wata ûrîa Ngai-Mûnene athanîte.”

Alawi 10:9

“We kana avîcî aku mûtikanyue ndivei kana njovi rîrîa mûgûtonya îgemarî rîa Ngai-Mûnene. Mweka ûguo nî mûgaakua. Watho ûyû nîûtûûra ûrûmagîrîrwa nî njiarwa ciaku cionthe tene na tene.

Alawi 16:29

“Mawatho mama marûmîrîrîte nîmatûûra marûmagîrîrwa nî mue: Mûthenya wa îkûmi mwerirî wa mûgwanja andû a Isiraeli vamwe na ageni arîa matûûranagia nao nwanginya menyerekagie na matikarutage wîra wanarî ûrîkû.

Alawi 16:34

Mawatho mama nîmatûûra marûmagîrîrwa. Mambura mama nwanginya marûthagwe riita rîmwe wa mwaka nî mûthînjîri-Ngai nîûndû wa kûtheria mevia monthe ma andû a Isiraeli.” Kwoguo Musa nîwekire wata ûrîa Ngai-Mûnene aathanîte.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Alawi 19:26

“Mûtikarîe nyama irî na nthakame na mûtikaragûrie kana mûragûrîrwe.

Alawi 23:14

Mûtiagîrîrwe nî kûrîa ngano irî mbîthî kana irî mvîvie, wana kana irugîtwe mîgate, nginya rîrîa mûkaaruta îtega rîu kûrî Ngai-Mûnene. Watho ûyû nîûtûûra ûrûmagîrîrwa tene na tene nî njiarwa cienyu cionthe kûrîa mûtûûraga.

Alawi 23:21

Mûthenya ûcio nî gûkaaugîrîrua andû maûngane vamwe nîguo magooce. Mûtikaarute wîra mûrito mûthenya ûcio. Watho ûyû nîûtûûra ûrûmagîrîrwa nî njiarwa cienyu tene na tene kûrîa kuonthe mûtûûraga.

Alawi 24:3

Aroni akaamundagia taa icio kîvwaî na aimenyagîrîre ciakanage nginya kîraûko irî îgemarî rîa Ngai-Mûnene vau nja ya gîtambaa mbere ya îthandûkû rîa kîrîkanîro. Watho ûyû nîûtûûra ûrûmagîrîrwa nî njiarwa cienyu cionthe.

Alawi 24:9

Mîgate îo nî ya Aroni na njiarwa ciake, na makaamîrîcagîra vandû varîa vatheru vîndî cionthe, nîûndû kau nî gacunjî katheru mûno ka îtega rîa kûvîvua rîa athînjîri-Ngai rîrîa rîtegeretwe Ngai-Mûnene.”

Alawi 3:16

Mûthînjîri-Ngai nî akaavîvîria indo icio cionthe îgûrû rîa metha ya kîgongoona irî irio irutîrîtwe Ngai-Mûnene irî îtega rîa kûvîvua rîrî na mûtararûko wa kûmûkenia. Mathunya monthe ma nyamû irîa itegagîrwa Ngai-Mûnene nî ma Ngai-Mûnene.

Alawi 4:1

Ngai-Mûnene nîwerire Musa atîrî,

Alawi 6:15

Mûthînjîri-Ngai ûcio nî agaakumbata ngundi ya mûtu ûrîa mwaro mûno, oce maguta na ûbani na aivîvîrie îgûrû rîa metha ya kîgongoona kîrî kîririkania, atî matega mau monthe marutîrîtwe Ngai-Mûnene. Mûtararûko wa îtega rîu nîûkenagia Ngai-Mûnene.

Alawi 6:18

Mûndûmûrûme wa wonthe wa rûciaro rwa Aroni nwa arîe mûtu ûcio ûrî gîcunjî kîrîa magîrîrwe nî kûvecagwa kuuma kûrî irio irîa itegeretwe Ngai-Mûnene. Mûndû wîngî wa wonthe ûrîa ûkaavutia matega mau nîagaatuîka mûtheru.”

Alawi 6:22

Vîndî cionthe mwanake wa wonthe ûrîa ûgaatungata arî Mûthînjîri-Ngai Mûnene kuuma rûciarorî rwa Aroni nî akaaruta îtega rîu na nî rîkaavîvua rîonthe. Rîu nî rîathani rîa tene na tene.

Alawi 7:23

“Îra andû a Isiraeli atî, matikaarîa mathunya ma ndegwa, ng'ondu kana ma mbûri.

Alawi 7:34

Kîthûri Kîam nyamû ya îtega rîa thayû vamwe na Kîamû Kîamyo gîa kûgûrû kwa vuva kwa ûrîo Ngai-Mûnene ke mwene nîairutîte kuuma kûrî andû a Isiraeli na akaivecana kûrîa Aroni, mûthînjîri-Ngai na avîcî ake. Icunjî icio nîcio andû a Isiraeli magîrîrwe nî gûtûûra mamanengagîra.

Alawi 7:36

Mûthenya ûcio nîrîo Ngai-Mûnene aathire andû a Isiraeli manengagîre athînjîri-Ngai icunjî icio cia matega. Mau nîmo maathani marîa andû a Isiraeli na njiarwa ciao magîrîrwe nî gûtûûra marûmagîrîra.”

Ndari 19:21

Watho ûyû nîûtûûra ûrûmagîrîrwa. Mûndû ûrîa ûminjaminjaga manjî mau ma kwîtheria wanake akathambagia nguo ciake. Mûndû ûrîa ûvutagia manjî mau ma kwîtheria ethagîrwa atarî mûtheru nginya kîvwaî.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Ciîko 15:29

Mue mûtiagîrîrwe nî kûrîa irio wa cionthe irîa itegeretwe mîvuanano; mûtiagîrîrwe nî kûrîa nthakame; wana kana nyama cia nyamû irîa ciîthagîrwa ithioretwe ngingo ikaûragwa itagwîtûrûra nthakame; mûtiagîrîrwe nî kûvûûra ûmaraa. Mue mûgeeka waro ethîrwa mûkathengutagîra maûndû mama. Tigwani na waro.”

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

Gûco 12:16

Nwatî mûtikarîe nthakame. Mîtûrûrageni nthî ta manjî.

Gûco 12:23

Menyererani mûtikarîe nthakame nîûndû mwoyo wîthagîrwa ûrî nthakamerî, na mûtikarîcanîrie mwoyo na nyama.

Gûco 12:24

Mûtikaarîe nthakame, vandû va ûguo mîtûrûrageni nthî ta manjî.

Gûco 15:23

Nwatî mûtikarîe nthakame ya cio, vandû va ûguo mîtûrûrageni nthî ta manjî.

Gûco 32:14

Ngai-Mûnene nîwamavere maguta na îriia kuuma ndîthiarî, maarî na mathunya ma ng'ondu na ndûrûme, na ng'ombe cia Bashani na mbûri. Nîwamavere ngano irîa mbaro mûno, na ndivei îrîa mbaro mûno.

1Tim 4:4

Indo cionthe irîa Ngai aaûmbire nî mbaro na gûtirî kîndû Kîamgîrîrwe nî kûregwa. Indo cionthe ciagîrîrwe nî kwamûkîrwa na mavoya ma gûcokia ngatho.