Alawi 27:28 - ÎVUKU RÎA ÛVORO MWARO

²⁸ “Gûtirî mûndû ûngîendia kana akûre kîndû kîrîa kînenganîrîtwe kûrî Ngai-Mûnene gîtuîke gîake, wana ethîrwa nî mûndû, nyamû kana mûgûnda. Kîndû kîrîa kînenganîrîtwe kûrî Ngai-Mûnene gîtuîke gîake, nî gîake viû.

Alawi 27:28 ပူးပေါင်းရင်းမြစ်များ

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Ezek 44:29

Matega ma irio cia mîgûnda, matega ma kûthiria mevia na matega ma kûrîva mevia makarîcagwa nî athînjîri-Ngai. Indo cionthe vûrûrirî wa Isiraeli irîa ciamûrîrîtwe Ngai igatuîkaga ciao.

Ezek 48:14

Gîcunjî kîrîa Kîammûrîre Ngai-Mûnene nîkîo Kîamro mûno vûrûrirî. Gîtikendua kana gîkûrananue kana kîgaîrwe mûndû wana ûrîkû, nîûndû nî kîtheru na nîkîa Ngai-Mûnene.

Alawi 21:22

Mûndû ta ûcio nwa arîe irio irîa ndutîrîtwe, îtega rîa irio irîa ntheru kana rîa irio irîa ntheru mûno.

Alawi 27:21

Nwatî mwaka ûcio wîngî wa gûkûngûîra mîaka mîrongo îtano, mûgûnda ûcio nîûkaanenganîrwa kûrî Ngai-Mûnene ûtuîke wake viû, na ûkethîrwa ûrî wa athînjîri-Ngai.

Alawi 27:27

Nwatî îrikithathi rîa nyamû îtarî ntheru, mwene yo nîakaamîgûra rîngî na mbeca irîa mbîtîkanîrie na irî nyongerere tûcunjî mîrongo îîrî îgûrû rîa îgana twa sîlûva. Yarega gûkûûrwa, nwa yenderue mûndû wîngî na mbeca irîa mbîtîkanîrie.

Alawi 27:29

Gûtirî mûndû ûngîgûrwa rîngî ararî mûnenganîre kûrî Ngai-Mûnene agatuîka wake viû. Mûndû ûcio nwanginya akaaûragwa.

Ndari 18:14

“Indo cionthe irîa nyamûre na irî Isiraeli nî cienyu.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Aroma 9:3

nîûndû wa andû a mûvîrîga wetû arîa tûciaranîrîtue nao. Nwa mende nyitwe nî kîrumi Kîam Ngai na ndigithanue na Kristû îthenya rîao.

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Gûco 25:19

Kwoguo rîrîa Ngai-Mûnene, Ngai wenyu akaamûva vûrûri ûrîa aamwîrîîre, na amûgitîre kuuma kûrî nthû cienyu irîa ikethîrwa îmûthiûrûrûkîrîtie, nwanginya mûkaaûraga Amaleki onthe mathire viû na mariganîre. Mûtikariganîrwe nî gwîka ûguo!

Gûco 7:26

Mûtikavire ngai icio cia mûvuanano mîciîrî yenyu, nîguo mûtikarumwe ta cio. Nwanginya mûmene na mûnyarare ngai icio cia mîvuanano, nîûndû nî nume nî Ngai-Mûnene.

Josh 6:26

Vuva wa ûguo Joshua nîwakaanirie andû na akîmera atîrî, “Mûndû ûrîa ûkaageria gûtuma rîngî îtûûra rîa Jeriko, nûkagwatwa nî kîrumi. Mûndû wa wonthe ûgaatuma mûcingi wa îtûûra rîa Jeriko, mwanake wake wa îrikithathi nî agaakua. Mûndû wa wonthe ûgaatuma mîvîrîga ya gûtonya kuo, nîkaaûrwa nî mwana wake wa kîvinga nda.”

Josh 7:1

Ngai-Mûnene nîwathîte andû a Isiraeli matigakuue kuuma Jeriko kîndû wanarî kîmwe Kîam irîa ciarî icûkangue. Nwatî nîmaaregire kwathîka nîûndû Akani mûvîcî wa Karîmi nîwakuuire indo imwe irîa ciarî nyamûre. Nîûndû wa ûguo Ngai-Mûnene nîwarakarirue nî andû a Isiraeli. Karîmi îthe wa Akani aarî mûvîcî wa Zabidi, Zabidi aarî mûvîcî wa Zera wa mûvîrîga wa Juda.

Josh 7:25

Nake Joshua nîwamûririe atîrî, “Akani watûretere thîna wîgana ûû nîkî? Ngai-Mûnene nîagûkûretera thîna ûmûnthî.” Nao andû onthe a Isiraeli nîmaarivire Akani na mathiga na agîkua na makîriva ciana ciake na mathiga igîkua na makîmavîvia vamwe na indo ciake.

Atir 21:11

Mûrage arûme onthe na aka onthe arîa matarî nthingi.”

Atir 21:18

nwatî tûtingîmava erîtu etû nîguo mamavikie nîûndû nîtwevîtire, atî mûndû wa cietû ûrîa ûkaavecana mwarî kûrî Mûbenjamini nîguo amûvikie nîakaanyitwa nî kîrumi.”

Atir 21:5

Nîmaacokire makîûrania atîrî, “Gatagatîrî ka mîvîrîga yonthe ya Isiraeli nî mûvîrîga ûrîkû ûtaathiî mbere ya Ngai-Mûnene kûu Mizipa?” (Nîmeevîtîte makauga atî mûndû ûrîa ûtakaathiî mbere ya Ngai-Mûnene kûu Mizipa nîkwa akaaûragwa.)

1Sam 15:18

na nîwakwathire ûthiî ûgacûkangie evia acio a Amaleki, ûrûe nao nginya ûmaûrage onthe.

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”