Alawi 26:46 - ÎVUKU RÎA ÛVORO MWARO

⁴⁶ Mama nî mawatho, irîra na maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 26:46 ပူးပေါင်းရင်းမြစ်များ

Thaburi 77:20

Watongoririe andû aku ta ûrîa mûrîthi atongoragîria ndîthia, matongoretue nî Musa na Aroni.

Alawi 25:1

Rîrîa Musa aarî kîrîmarî gîa Sinai Ngai-Mûnene nîwamwîrire atîrî,

Alawi 27:1

Ngai-Mûnene nîwerire Musa atîrî,

Alawi 27:34

Mama nîmo maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 7:38

Ngai-Mûnene aavereere Musa maathani mau îgûrû rîa kîrîma gîa Sinai kûu werûrî mûthenya ûrîa eerire andû a Isiraeli marutagîre Ngai-Mûnene matega mao.

Alawi 8:36

Kwoguo Aroni na avîcî ake nîmeekire maûndû monthe marîa Ngai-Mûnene amaathîte kûvîtûkîrîra kûrî Musa.

Ndari 36:13

Mau nîmo Maathani na mawatho marîa Ngai-Mûnene aaveere andû a Isiraeli na njîra ya Musa marî kûndû kûrîa kwaraganu kwa Moabu mûringo wa rûnjî rwa Jorodani vakuvî na îtûûra rîa Jeriko.

Ndari 4:37

Acio nîo andû a onthe a mbarî ya Kohathu arîa maatungataga îgemarî rîa Ngai-Mûnene, na arîa Musa na Aroni maatarire wata ûrîa Musa aathirwe nî Ngai-Mûnene.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Gûco 12:1

“Mama nîmo mawatho marîa mûkaarûmagîrîra na kinyi vîndî cionthe rîrîa mûgûtûûra vûrûrirî ûrîa Ngai-Mûnene Ngai wa methe menyu amûvete mwîgwatîre. Marûmagîrîreni ûtûûrorî wenyu wonthe.

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 29:1

Mama nîmo maûndû marîa marî kîrîkanîrorî kîrîa Ngai-Mûnene aathire Musa arûthe na andû a Isiraeli marî vûrûrirî wa Moabu, kwongerera marîa Ngai-Mûnene aarûthîte nao marî kîrîmarî gîa Sinai.

Gûco 33:4

Musa nîwatwathire twathîkîre watho ûrîa aatûveere, nîûndû nîguo kîndû Kîam goro mûno kîrîa andû a Isiraeli maagaire.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Gûco 6:1

“Rîîrî nîrîo rîathani, mawatho na irîra irîa Ngai-Mûnene, Ngai wenyu aambathire nîmûthomithie, nîguo mûirûmagîrîre mûrî vûrûri ûrîa mûthiîte kwîgwatîra.