Alawi 26:44 - ÎVUKU RÎA ÛVORO MWARO

⁴⁴ Nwatî kûnarî ûguo, ndikaamatiganîria viû kana nîmacûkangia viû vîndî îrîa makethîrwa marî vûrûrirî wa nthû ciao, atî nîguo wîthîrwe ûrî mûthiia wa kîrîkanîro gîetû nao, nîûndû Nie nînie Ngai-Mûnene, Ngai wao.

Alawi 26:44 ပူးပေါင်းရင်းမြစ်များ

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

2Atha 13:23

Nwatî Ngai-Mûnene nîwamatugire na akîmeguîra ntha. Ndaamatiganîria macûkangue, nwatî nîwamatethirie nîûndû wa kîrîkanîro kîrîa aarûthîte na Iburahimu, Isaka na Jakovu. Ngai-Mûnene ndaanatiganîria andû ake nginya ûmûnthî.

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Nehemia 9:31

Nwatî kûnarî ûguo nîûndû ûrî ntha nyîngî mûno, ndwanamathiria kana ûmatiganîria. Ngai, we ûrî mwaro na ûrî ntha!

Thaburi 103:13

Taûrîa ciana ciîgucagîrwa ntha nî îthe, nwaguo Ngai-Mûnene egucagîra arîa mamwîtigîrîte ntha.

Thaburi 89:33

Nwatî ndigaatiga kwonia Daudi wendo wakwa ûtathiraga, kana ndega gûtuîka mwîvokeku kûrî ke.

Thaburi 94:14

Ngai-Mûnene ndagaatiganîria andû ake; ndagaatiganîria arîa athuurîte magatuîka ake.

Jeremia 14:21

Nîûndû wa rîîtwa rîaku ndûgatûtiganîrie, ndûkananyararithie gîtî gîaku Kîam ûthamaki, ririkana kîrîkanîro gîaku na andû a Isiraeli.

Jeremia 24:5

“Nie Ngai-Mûnene, Ngai wa Isiraeli nîrauga atî, ta ûrîa ngûyû ino îrî mbaro, nîguo ngona andû a Juda marî aro arîa narutire gûkû na ngîmavira îthamîriorî vûrûrirî wa Akalidei.

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Jeremia 33:26

Kwoguo, nîngûtûûra mbigîte kîrîkanîro gîakwa na rûciaro rwa Jakovu na Daudi ndungata yakwa. Nîngathuura ûmwe wa rûciaro rwa Daudi atuîke mûthamaki wa njiarwa cia Iburahimu, Isaka na Jakovu. Nîûndû nîngeguîra andû akwa ntha na ndûme mathatûkwe.”

Ezek 16:60

Kûnarî ûguo, nîngaaririkana kîrîkanîro kîrîa twarîkanîre nawe rîrîa warî mwîthî, na nîngaarûtha kîrîkanîro nawe gîa gûtûûra tene na tene.

Alawi 26:11

Ngaatûûra gatagatîrî kenyu nîrî îgemarî rîakwa rîtheru na ndikaamûtiganîria.

Aroma 11:2

Ngai tîmûregu andû ake arîa ke aathuurire kuuma wa Kîammbîrîria. Mue nîmwîcî ûrîa Mandîko Matheru maugîte gacunjîrî karîa kandîkîtwe ûvoro wîgiî Elija. Elija nîwathaithire Ngai na agîcuka andû a Isiraeli akiuga atîrî,

Aroma 11:26

Ûguo nîguo Aisiraeli onthe makaavonokua. Wata ûrîa mandîko matheru maugîte atîrî, “Mûvonokia nîagaaûka kuuma Zayuni, na nîakaathengutia waganu wonthe kuuma rûciarorî rwa Jakovu.

Atir 2:1

Mûraika wa Ngai-Mûnene nîwathiîre Bokimu aumîte Giligali na akîra Aisiraeli atîrî, “Naamûrutire Misiri na ngîmûrete vûrûrirî ûrîa nerîîre methe menyu ma tene na mwîvîtwa atî nîngaamava. Naugire ndikauna kîrîkanîro gîetû namue.