Alawi 26:39 - ÎVUKU RÎA ÛVORO MWARO

³⁹ Andû enyu anini arîa magaatigara nî makoorera mavûrûrirî ma nthû cienyu nîûndû wa mevia mao na mevia ma methe mao.

Alawi 26:39 ပူးပေါင်းရင်းမြစ်များ

2Maû 34:24

Ngai-Mûnene, Ngai augîte nîakûrete maûndû macûku gûkû Jerusalemu na kûrî andû arîa matûûraga kuo. Nîngaatûma irumi cionthe irîa mandîke îvukuurî rîrîa rîathomerwe mûthamaki wa Juda ivinge.

Ezira 9:7

Kuuma vîndî ya methe metû ma tene nginya ûmûnthî tue nîtwîvîtie mûno. Nîûndû wa mevia metû tue, athamaki etû, na athînjîri-Ngai etû nîtûgwîte njararî cia athamaki ageni tûkaverithua na tûkaûragwa. Tûrî atave na tûgacuunwa indo cietû na nîtûregua tûconokete mûno.

Nehemia 1:9

Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Isaia 14:21

Îîvarîrieni kûûraga ciana ciake nîûndû wa mavîtia ma methe mao, nîguo matigacoke kwatha nthî, na mamîcûrie matûûra mao.”

Isaia 24:16

Nîtûregua nyîmbo cia gûkumia Ngai ûrîa mûthingu, ikinwa kuuma mîthiia ya nthî. Nwatî ngoro yakwa nî ndito nî kîeva, nama, ngoro yakwa nî ndito! Ndirî na kîîrîgîrîro! Andû arîa acukanîrîri mekaga maûndû ma ûcukanîrîri, na ûcukanîrîri ûthiîte na mbere kwongerereka.

Jeremia 29:12

Nîmûgaacoka mûmbîte, na mûmvoe na nîngamûthikîrîria.

Jeremia 3:25

Twagîrîrwe nî kûmama nthî tûthithîte mothiû metû nîûndû wa ûrîa tûconokete, tûreke gîconoko gîetû gîtûkunîkîre nîûndû tue, vamwe na methe metû tûtwîre twîvagia Ngai-Mûnene, Ngai wetû, na tûtianathîkîra mûgambo wake.

Jeremia 31:29

Vîndî îo andû matikaauga atî, ‘Methe mao nîmarîte thavibu ndûrû, na magego ma ciana ciao nîmagîte ngirira.’

Maca 1:3

Andû a Juda nîavire îthamîriorî, marî ngombo na marî na mathîna meengî. Matûûranagia na andû a ndûrîrî, na mationaga vandû mangîvurûka. Arîa onthe mamarûmîrîrie nîmaamanyitire, matiarî na gwa kûûrîra.

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Ezek 18:19

“Kûnarî ûguo mue mûragia atî, ‘Mûvîcî angîrega kûverithua nîûndû wa mavîtia ma îthe nîkî?’ Mûvîcî angîka maûndû marîa magîrîrîte na ma ma, na nîarûmagîrîra watho wakwa waro, na ma nîagaatûûra mwoyo.

Ezek 20:43

Mûrî kûu nîmûkaaririkana mîthiîre îrîa mwarî nayo na maûndû monthe macûku marîa mwekire na mamûgwatirie mûgiro. Nîmûkethûûra nîûndû wa maûndû mau monthe macûku mwekire.

Ezek 24:23

Mûgeekîra iremba ciongorî cienyu, na mwîkîre iratû magûrû menyu, mûtigaacakaa kana mûrîra. Nwatî nîûndû wa mevia menyu nîmûkaagîa na kîeva na wa mûndû nîagacakaagîra mûndû ûrîa wîngî.

Ezek 33:10

“We mûndû îra andû a Isiraeli marauga atî, ‘Tûrî aritûvîre nî mavîtia na mevia metû na nîmo maratûthiria. Tûngîtûûra mwoyo atîa?’

Ezek 36:31

Nîûgaacoka kûririkana mîthiîre yaku mîcûku na mîtugo yaku îrîa îtaarî mîaro, na nîûkaaîmena nîûndû wa mevia maku na maûndû macûku marîa wekire.

Ezek 4:17

Ngeka ûguo nîguo mature irio cia kûrîa na mature manjî ma kûnyua. Wa mûndû agaacûthagîrîria ûrîa wîngî amakîte na nîmakaathira vinya nîûndû wa mevia mao.”

Ezek 6:9

Nao andû arîa makaavonoka nîmakaandirikana marî mavûrûrirî mau makethîrwa mathamîrîte. Nîmakaaririkana atî nînie nîmaverithîtie nîûndû wa gûtura wîvokeku kûrî nie na makîndiganîria na makîgucîrîrua nî ngai cia mîvuanano. Nao nîmakemena o ene nîûndû wa maûndû marîa marî mûgiro mekaga.

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Zakaria 10:9

Wana ethîrwa nînamanyaganîrîtie mavûrûrirî mengî, marî mavûrûrirî mau ma kûraca, nîmakaandirikana, na vamwe na ciana ciao nîmagaatigara na macoke mûciî kwao.

Ndari 14:18

‘Nie, Ngai-Mûnene, ndiviûvaga kûrakara na mbîcûrîtwe nî wendo ûtathiraga, na nînjovanagîra mevia na waganu. Nwatî ndikaarega kûverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.’

Gûco 28:65

Mûtikeganîra kana mûgîe na thayû mûrî mavûrûrirî mau, na gûtigaatuîka kwenyu. Ngai-Mûnene nîagaatûma mwîthîrwe mûrî na guoya, mûtarî na kîîrîgîrîro na mûthirîtwe nî mwîvoko.

Gûco 30:1

Musa nîwerire andû a Isiraeli atîrî, “Rîrîa maûndû mau monthe narîkia kûmwîra megiî kîrumi na kîrathimo makaamûnyita, na mwîcirie waro ûvoro wamo mûrî mavûrûrirî marîa Ngai-Mûnene Ngai wenyu amûnyaganîtie,

Gûco 5:9

Ndûgaciînamîrîre kana ûigooce. Nîûndû nie Ngai-Mûnene, Ngai waku, nî Ngai wî wîru. Ngaakinyîria ciana waganu wa methe, nginya rûciaro rwa kathatû na rwa kana rwa andû arîa mamenete.

Gûco 8:20

Ethîrwa tîmwathîkîra Ngai-Mûnene, Ngai wenyu, nîmûkaathirua wata mavûrûri marîa Ngai-Mûnene akûthiria nîguo mûtonye kuo.