Alawi 26:36 - ÎVUKU RÎA ÛVORO MWARO

³⁶ Nîngaatûma andû enyu arîa marî îthamîriorî mecûrwe nî guoya nginya mamakague nî mûgambo wa îthangû rîkinainua nî rûkûngi. Mûkaaûraga takwa mûvinyûrîtue mûkîûrîra mbaara, na mûkaagûcaga wana gûtarî nthû imûvinyûrîtie.

Alawi 26:36 ပူးပေါင်းရင်းမြစ်များ

Kîam 35:5

Rîrîa Jakovu na avîcî ake maambîrîrie rûgendo, andû a matûûra marîa maamathiûrûrûkîrîtie nîmaanyitirwe nî guoya nyîngî kuuma kûrî Ngai. Kwoguo nîmaaremirwe nî kûmarûmîrîria.

Kîam 4:12

Wana warîma mûtheturî icio, gûtirî kîndû gîgaakûraga kuo. Ndûkaagîa na wîkaro na nîûtûûra ûrûûraga gûkû nthî.”

2Maû 14:14

Nîmaacokire magîcûkangia matûûra monthe marîa maathiûrûrûkîrîtie Gerari nîûndû andû a kuo nîmaagîte na guoya nîûndû wa Ngai-Mûnene. Nîmaatavire indo nyîngî mûno kuuma matûûrarî mau na makîthiî nacio.

Ayubu 13:25

Ûravavûra îthangû rîgûrûkîtue nî rûkûngi, na ûkavinyûrania na mavûngo?

Thaburi 53:5

Marî kûu nîmakaanyitwa nî guoya nyîngî mûno, guoya matarî magîa nayo rîngî, nîûndû Ngai nîakaanyagania mavîndî ma nthû cia andû ake. Andû acio nîmagaaconorithua nîûndû Ngai nîamaregete.

Thaburi 53:6

Naarî kethîrwa ûvonokio wa andû a Isiraeli ûkaauma Zayuni, rîrîa Ngai agaatûma andû a Isiraeli magacîre. Njiarwa cia Jakovu nîigaakena, andû a Isiraeli nîmagaakûngûîra.

Thaburi 89:43

Nîûtûmîte indo ciake cionthe cia mbaara ituîka cia mana, nîûmûrekereretie avootwe arî mbaararî.

Nthi 28:1

Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Isaia 30:17

Andû ngiri îmwe nîmakaaûra nî mûndû ûmwe, na andû atano nîmagaatûma muonthe mûre. Nginya rîrîa mûgatigwa mwîkariî ta mûtî wa vendera ûrî kîrîmarî, ta rûûri rûrî îgûrû rîa karîma!

Isaia 7:2

Rîrîa mûthamaki wa Juda aamenyithirue atî, andû a Sîria nî manyitanîrîte na andû a Isiraeli, ke na andû ake onthe nîmaanyitirwe nî guoya nyîngî nginya makinaina ta ûrîa mîtî ya kîthakarî inainagua nî rûkûngi.

Isaia 7:4

Mwîre amenyerere, akirîrîrie, ndagetigîre na ndagakue ngoro nîûndû wa marakara meengî ma Rezini, mûthamaki wa Sîria na ma Peka, mûvîcî wa Remalia. Andû acio aîrî mekariî ta ndogo ya ngû ikîvora mwaki.

Jeremia 37:10

Nîûndû wana ethîrwa nwa mûvoote athigari onthe a mbaara a Akalidei arîa mûrarûa nao, matigare amwe ao marî agurarie, wa mûndû arî îgemarî rîake, athigari acio nîmagaûka mavîvie îtûûra rîîrî na mwaki.”

Jeremia 46:16

Andû engî nîmaavîngirwe na makîgwa, nao nîmeeranire o ene atî: ‘Ûkîrani tûcoke kûrî andû etû, vûrûrirî wetû kûrîa twaciarîrwe, tûrîre mbaara ya nthû cietû.’

Maca 1:3

Andû a Juda nîavire îthamîriorî, marî ngombo na marî na mathîna meengî. Matûûranagia na andû a ndûrîrî, na mationaga vandû mangîvurûka. Arîa onthe mamarûmîrîrie nîmaamanyitire, matiarî na gwa kûûrîra.

Maca 1:6

Riiri ûrîa warî îtûûrarî rîa Zayuni nîwathirire. Atongoria a kuo magînjîte ta nthiia, iturîte gîa kûrîa, itarî na vinya nîciaûrire nî aguîmi acio.

Maca 4:19

Arîa maatûvinyûrîtie maarî na îvenya mûno, gûkîra ndiiû irî îgûrû, maavinyûranîrie natue irîmarî, na magîtwîthithîra werûrî.

Ezek 21:12

Mûndû, rîra ûkiugagîrîria, nîûndû rûviû rûu rûnooretwe nîûndû wa andû akwa na atongoria a Isiraeli. Manenganîrîtwe nîguo maûragwe vamwe na andû akwa, Kwoguo îringe kîero!

Ezek 21:15

nîguo mathirwe nî ûmîrîru na andû eengî mavîngîcîke. Mîîrîgarî yao yonthe nîmvecanîte rûviû rûkûvenia. Rûthûîtwe na rûravenavenia ta rûveni rwîvarîrîtie kûragana.

Ezek 21:7

Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Hosea 8:3

Nwatî andû a Isiraeli nîmareganîte na ûndû ûrîa mwaro; nîûndû wa ûguo, rîu nthû nîîkûmûrûmîrîra.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Alawi 26:35

Rîrîa rîonthe vûrûri wenyu ûka ethîrwa ûrî îganjo nîûkaavurûka, nîûndû ndwavurûkaga kavinda karîa mwatûûraga kuo.

Gûco 1:44

Nao Amori arîa maatûûraga vûrûrirî ûcio ûrî irîma nîmaanyûrûrûkire kûrûa namue, na makîmûtharîkîra ta ûrîa njûkî îtharîkagîra mûndû. Nîmaamûvootire na makîmwîngata kuuma Edomu nginya Horima.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Josh 7:5

Andû a Ai nîmaavinyûririe athigari a Isiraeli kuuma mîvîrîgarî ya îtûûra na nîmaamaunûkithirie karîma nginya kûrîa kwenjagwa mathiga na nîmaaûragire athigari a Isiraeli mîrongo îthatû na atandatû. Andû a Isiraeli nîmaagwatirwe nî guoya na magîtigîra.

1Sam 17:24

Rîrîa Aisiraeli moonire Goliathu, nîmeguire guoya na makîûra nîûndû wa guoya.