Alawi 26:33 - ÎVUKU RÎA ÛVORO MWARO

³³ Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Alawi 26:33 ပူးပေါင်းရင်းမြစ်များ

1Atha 8:46

“Andû aku mangîgakwîvîria (nîûndû gûtirî mûndû ûtevagia) nawe ûtûmbwe nî marûrû na ûmarekererie kûrî nthû ciao imavoote na imatave marî mîgwate na imavire vûrûrirî wacio, ûrî kûraca kana gûkuvî;

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

2Maû 7:19

Nwatî mûngîkaagarûrûka na mûtige kwathîkîra kîrîra na maathani marîa nîmûvete, na mwambîrîrie kûgooca na gûtungatîra ngai ciîngî,

Nehemia 1:3

Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Nehemia 1:8

Ririkana ûrîa werire ndungata yaku Musa atî, ‘Ethîrwa mue andû a Isiraeli tîmûtuîka evokeku mbere yakwa, nîngaamûnyagania kûrî ndûrîrî irîa ciîngî.

Esita 3:8

Kwoguo Hamani nîwerire mûthamaki atîrî, “Kûrî andû a mûvîrîga mûna manyagarûkîrîte vûrûrirî waku wonthe na methagîrwa makîoneka icunjîrî cionthe cia wathani waku. Andû acio marî na mawatho ngûrani na marîa marûmagîrîrwa nî mavûrûri marîa mengî na matiathîkagîra watho wa mûthamaki, kwoguo gûtirî na vata wa kûmarekereria matûûre vûrûrirî waku.

Thaburi 106:27

Nîakaanyagania njiarwa ciao mavûrûrirî marîa mengî, na makuîre mavûrûrirî mageni.

Thaburi 44:11

Nîûtûmîte twîkare ta ng'ondu ithiîte kûthînjwa; na nîûtûnyaganîtie mavûrûrirî marîa mengî.

Thaburi 44:12

Nîwendetie andû aku na thogora mûnini mûno, na ndwetia kîndû kînene wamendia.

Isaia 1:7

Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Jeremia 13:24

Ngaamûnyagania ta macaki, magûrûkîtue nî rûkûngi kuuma werûrî.

Jeremia 15:4

Nîngatûma matuîke andû a kûmakia mothamaki monthe ma nthî, nîûndû wa maûndû marîa Manase mûvîcî wa Hezekia ekire kûu Jerusalemu rîrîa aarî mûthamaki wa Juda.

Jeremia 31:10

Mue mavûrûri, tathikîrîriani kiugo Kîam Ngai-Mûnene, na mûkîanîrîre mavûrûrirî marîa marî kûraca, mûmeere atî: ‘Ûrîa wanyaganirie andû a Isiraeli, nîakaamacokanîrîria, akamamenyerera ta ûrîa mûrîthi amenyagîrîra ng'ondu ciake.’

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 7:34

Na kûu matûûrarî ma Juda na tûcîrarî twa Jerusalemu nîngatûma gûtikegue mûgambo wa kûthekania na wa gîkeno, mûgambo wa mûviki na mûvikania, nîûndû vûrûri wonthe ûgatwîka îganjo.”

Jeremia 8:3

Andû arîa maatigarire a rûrîrî rûrû rwaganu, arîa matûûraga kûrîa namanyaganirie nîmakerirîria gûkua gûkîra gûtûûra mwoyo, ûguo nîguo Ngai-Mûnene, mwene vinya wonthe arauga.”

Jeremia 9:16

Nîngamanyagania mavûrûrirî marîa o wana methe mao mataicî na nîngatûma athigari a mbaara mamarûmîrîrie nginya nîmaûrage nîmathirie viû.”

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 1:3

Andû a Juda nîavire îthamîriorî, marî ngombo na marî na mathîna meengî. Matûûranagia na andû a ndûrîrî, na mationaga vandû mangîvurûka. Arîa onthe mamarûmîrîrie nîmaamanyitire, matiarî na gwa kûûrîra.

Maca 4:15

Andû maaugagîrîria makameera atîrî, “Umani ava. Mue mûrî mûgiro! Thiîni! Mûtikamvutie!” Kwoguo andû acio maatuîkire aûrûri matarî gîkaro, maumaga vûrûrirî ûmwe makathiî ûrîa wîngî; andû a mavûrûri maugaga atîrî: “Matigekarania natue rîngî.”

Maca 4:16

Ngai-Mûnene nîke wamanyaganirie, na agîtiga kûmamenyerera, athînjîri-Ngai magîtiga kûvewa gîtîîo, agîtiga kûrûmbûiya ûvoro wa atongoria.

Ezek 12:20

Matûûra marîa marî na andû magaatigwa marî manangîku na vûrûri ûtuîke werû. Namue nîmûgaacoka mûmenye atî, nie nînie Ngai-Mûnene.”

Ezek 20:23

Makîria ma ûguo nînevîtire nîrî mbere yao kûu werûrî ngiuga atî, nîngaamanyagania gatagatîrî ka ndûrîrî ciîngî na ndûme mavirwe mavûrûrirî mengî.

Ezek 22:15

Nîngaakûnyagania mavûrûrirî ma andû a ndûrîrî, na maûndû marîa macûku ûrî namo nîmathirie viû.

Ezek 5:2

Rîrîa mîthenya ya kûrigicîria îtûûra rîa Jerusalemu îkaathira, nîûgoca gîcunjî kîmwe Kîam ithatû ûthiî ûgakîvîvîrie gatagatî ga îtûûra. Na gîcunjî kîmwe Kîam ithatû ûgîtinangîrie mîenarî yonthe ya îtûûra. Nakîo gîcunjî kîu kîngî Kîam kathatû ûkîgûrûkithie na rûkûngi nîûndû nîngaamarûmîrîria njomorete rûviû.

Hosea 9:6

Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.

Amosi 9:4

Mangîkaanyitwa nî nthû ciao mavirwe îthamîriorî, nîngaathana maûragîrwe kuo na rûviû. Nîngaarîthania nao nginyîrîrîtie nîmeeke maûndû macûku na tî maro.”

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.

Jakuvu 1:1

Nie Jakuvu ndungata ya Ngai na ya Mwathani Jesû Kristû: Nînamûkethia mue muonthe andû a Ngai arîa mûnyagarûkîte nthî yonthe.