Alawi 26:31 - ÎVUKU RÎA ÛVORO MWARO

³¹ Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.

Alawi 26:31 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

2Atha 22:19

mûthamaki wa Juda nîareririre na enyivia mbere ya Ngai-Mûnene, na atembûranga nguo ciake. Rîrîa aregwire ûrîa mbugîte nîngwîka kûndû gûkû vamwe na andû arîa matûûraga kuo, na atî vûrûri ûyû nîûtûûra ûrî mûrume na ûrî îganjo. Nie Ngai-Mûnene nîmbîguîte îvoya rîaku,

2Maû 36:19

Mûthamaki wa Akalidei na athigari ake a mbaara nîmaavîvirie hekarû, makîomomora rûthingo rwa îtûûra rîa Jerusalemu, makîvîvia nyomba cionthe cia mûthamaki na magîcûkangia indo cionthe cia goro irîa ciarî kuo.

Nehemia 1:3

Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Nehemia 2:17

Nwatî nînaamerire atîrî, “Taroriani thîna ûrîa tûrî naguo nîûndû Jerusalemu nînyomomoku na ivingo ciakuo nî njûkangie nî mwaki! Tigani tûtume rîngî rûthingo rwa Jerusalemu nîguo tûtige kûnyararûa.”

Nehemia 2:3

na ngîra mûthamaki atîrî, “Mûthamaki ûrotûûra tene na tene! Nîrî na kîeva nîûndû îtûûra rîrîa rînene kûrîa methe metû ma tene maathikirwe nîrîomomoku nacio ivingo nî njûkangie nî mwaki.”

Isaia 1:7

Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Isaia 63:18

Tue andû aku atheru, nîtwegwatîre hekarû yaku gwa kavinda, nwatî nîtwengatirwe nî nthû cietû: nîciomomorire hekarû yaku.

Isaia 64:9

Ndûgatûrakarîre makîria, we Ngai-Mûnene, kana ûtûûra ûririkanaga mevia metû tene na tene. Ririkana atî tue tuonthe tûrî andû aku.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Jeremia 22:5

Nwatî mwarega kwathîkîra ciugo ino, nie Ngai-Mûnene, neranîra na mwîvîtwa atî nyomba îno îgaatuîka îganjo.”

Jeremia 26:6

nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”

Jeremia 26:9

Nîndûî gîatûma ûrathe ûkîgwetaga rîîtwa rîa Ngai-Mûnene ûkiugaga ‘hekarû îno îgekara ta Shilo, na îtûûra rîîrî nîrîgûcûkangua rîtuîke îganjo na rîtigwe gûtarî mûndû wa gûtûûra kuo.’ ” Nao andû onthe nîmaagomanire marigicîrîtie Jeremia kûu hekarûrî.

Jeremia 4:26

Nînaroririe na ngîona vûrûri ûrîa mûnoru ûtuîkîte werû, na matûûra ma kuo marî momomore, nîûndû wa marakara meengî ma Ngai-Mûnene.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 44:2

“Ngai-Mûnene, mwene vinya wonthe, Ngai wa Isiraeli arauga atî: We nîwonete maûndû monthe macûku marîa mbîkîte îtûûrarî rîa Jerusalemu na matûûra monthe ma Juda. Taroria, nginya ûmûnthî matûûra mau nî maganjo, na gûtirî mûndû ûtûûraga kuo.

Jeremia 44:6

Kwoguo nînakanirwe mûno nî marakara na mang'ûrîka na ngîmetûrûra matûûrarî ma Juda na njîrarî cia Jerusalemu. Nakuo gwatuîkire maganjo, kûndû gûtatûûragwa nî andû nginya ûmûnthî.

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 1:10

Nthû ciake nîciocire indo ciake cionthe cia goro, nîwonire andû a ndûrîrî magîtonya hekarûrî, kûrîa Ngai-Mûnene aamagirîtie gûtonya.

Maca 2:6

Omomorete hekarû yake ta kîomba Kîam mûgûnda, nîacûkangîtie îgema rîake. Ngai-Mûnene nîathirîtie irugo cia gûkûngûîra na mîthenya ya thavatû kûu Zayuni. Arî na marakara meengî nîareganîte na mûthamaki na athînjîri-Ngai.

Maca 2:7

Ngai-Mûnene nîanyararîte metha yake ya kîgongoona, na akaregana na hekarû yake. Nîarekereretie nthingo cia nyomba cia athamaki ciomomorwe nî nthû, na nîmaanegenete mûno marî hekarûrî ya Ngai-Mûnene, ta înegene rîrîa rîthagîrwa marugarî.

Ezek 12:20

Matûûra marîa marî na andû magaatigwa marî manangîku na vûrûri ûtuîke werû. Namue nîmûgaacoka mûmenye atî, nie nînie Ngai-Mûnene.”

Ezek 21:15

nîguo mathirwe nî ûmîrîru na andû eengî mavîngîcîke. Mîîrîgarî yao yonthe nîmvecanîte rûviû rûkûvenia. Rûthûîtwe na rûravenavenia ta rûveni rwîvarîrîtie kûragana.

Ezek 21:7

Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Ezek 6:6

Matûûra menyu monthe nîmagaacûkangua na kûndû kwenyu kûrîa gûtûgîru kwomomorwe, nîguo metha cienyu cia magongoona itiganîrue na icûkangue. Na ngai cia mîvuanano ciunangwe ithire viû. Metha irîa mûvîvagîria ûbani nîkaunangwa wana indo cionthe irîa marûthîte ithire viû.

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Danieli 2:46

Mûthamaki Nebukadinezarû nîwaturumithirie ûthiû wake nthî na akîathana Danieli arutîrwe iveo cia irio na ûbani.

Amosi 7:9

Kûrîa gûtûgîru njiarwa cia Isaka igoocagîra nîngaagûcûkangia viû, nacio nyomba irîa nyamûre cia andû a Isiraeli igatuîka maganjo na nîngaatharîkîra nyomba ya Jeroboamu na rûviû rwa njûra.”

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Zefania 3:6

Ngai-Mûnene arauga atîrî: “Nînjûkangîtie mavûrûri monthe; nînjûkangîtie matûûra ma kuo na ngatiga nthingo ciakuo irî njûkangie. Matûûra ma kuo nîmatiganîrie; tûcîra tûtigîtwe tûtarî mûndû.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Ciîko 6:14

Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”

Ahib 10:26

Ethîrwa nwa twîvie na rûtûrîko vuva wa kûmenya ûvoro ûrîa wa ma, gûtirî îgongoona rîngîvota kûrutwa rîa kûthengutia mevia.