Alawi 26:25 - ÎVUKU RÎA ÛVORO MWARO

²⁵ Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Alawi 26:25 ပူးပေါင်းရင်းမြစ်များ

2Sam 24:15

Kwoguo Ngai-Mûnene nîwatûmire kûgîe na mûthiro kûu Isiraeli kuuma kîraûko kîu nginya îvinda rîrîa aatuîte. Vûrûri ûcio wonthe kuuma Dani nginya Beeri-shiba Aisiraeli ngiri mîrongo mûgwanja nîmaakwire.

1Atha 8:33

“Vîndî îrîa andû aku Aisiraeli mangîkaavootwa nî nthû ciao nîûndû wa kwîthîrwa makûvîtîrîtie, na macoke magûcokerere na maûke hekarûrî îno na makûvoye na wînyivia nîguo ûmovere,

1Atha 8:37

“Vûrûri ûyû ûngîkaagîa yûra kana mûrimû mûcûku, kana ndavaîki kana ikundi cia ngige kana mûgariû, kana andû aku matharîkîrwe nî nthû ciao, kana kûgîe na mûthiro kana mûrimû gatagatîrî kao,

2Atha 17:3

Shalimaneseri mûthamaki wa Asîria nîwarûire na Hoshea. Hoshea nîwenenganîre kûrî Shalimaneseri na nîwamûrîvaga gooti.

2Maû 24:24

Wana ethîrwa athigari a mbaara a Sîria maarî anini, Ngai-Mûnene nîwatûmire mavoote athigari eengî a Juda nîûndû andû a Juda nîmaatiganîrîtie Ngai-Mûnene, Ngai wa methe mao. Ûguo nîguo mûthamaki Joashi aaverithirue.

Thaburi 94:1

We Ngai-Mûnene, wî Ngai wîrîvagîrîria; We Ngai ûrîa wîrîvagîrîria, wîyonanie!

Ntha 5:3

Nake Musa na Aroni nîmaacokerie mûthamaki wa Misiri atîrî, “Ngai wa Ahibirania nî atumîrîrîte. Twîtîkîrie tûthiî rûgendo rwa mîthenya îthatû werûrî tûkarutîre Ngai-Mûnene, Ngai wetû îgongoona. Ethîrwa tî twîka ûguo, Ngai-Mûnene agaatûverithia na mûrimû kana mbaara.”

Isaia 1:20

Nwatî mwatuîka nthande na mûregane nanie, nîmûkaaûragwa na rûviû. Nînie Ngai-Mûnene naria.”

Isaia 65:12

mûthiiarî ngaatûma mûragwe na rûviû. Ngaamûragithia muonthe, nîûndû rîrîa netanire mûtiambîtîka, rîrîa naririe mûtianthikîrîria. Nwatî mwekire maûndû macûku na mûkîthuura maûndû marîa mataangenagia.

Jeremia 19:7

Vandû ava nîvo ngaacûkangîria mîvango yonthe ya andû a Juda na Jerusalemu. Nîngatûma mavootwe nî nthû ciao marî mbaararî na imaûrage. Nîngatûma ciimba ciao irîwe nî iconi na nyamû cia kîthaka.

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Jeremia 50:28

Andû marethara makauma vûrûri wa Babuloni na makaûra makathiî Jerusalemu kûmenyithania ûrîa Ngai-Mûnene Ngai wetû erîvîrîrîtie nîûndû wa hekarû yake.

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Jeremia 9:16

Nîngamanyagania mavûrûrirî marîa o wana methe mao mataicî na nîngatûma athigari a mbaara mamarûmîrîrie nginya nîmaûrage nîmathirie viû.”

Maca 2:21

Andû arîa akûrû na arîa ethî onthe magwîte njîrarî, nao anake na erîtu maûragîtwe na mviû. Wamaûragire ûtarî na ntha nîûndû wa marakara maku.

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Ezek 20:37

“Nîngaamwatha na vinya na ndûme mwathîkîre kîrîkanîro gîakwa.

Ezek 29:8

Kwoguo, nie Ngai-Mûnene Ngai nîmbuga atî: nîngaatûma andû makûtharîkîre na mviû na nîmakaaûraga andû na maûrage nyamû ciaku cionthe irîa ûrîthagia.

Ezek 33:2

“Mûndû, arîria andû enyu na ûmere atî, vûrûrirî mûna kûngîgîa mbaara, nwa ndûme andû a vûrûri ûcio mathuure mûndû ûmwe gatagatî kao atuîke mûrangîri wao.

Ezek 5:17

Kwoguo nîngaatûma kûgîe na yûra gatagatî kenyu na nîmûrekerie nyamû cia kîthaka irîe ciana cienyu. Nîmûkeethîrîrua nî mîrimû mîcûku, mbûragano na mbaara cia kûmûthiria. Nie Ngai-Mûnene nînie nauga ûguo.”

Ezek 6:3

ûciîre, mue irîma cia Isiraeli thikîrîriani ciugo cia Ngai-Mûnene! Mwathani Ngai nîwarîrîtie irîma na tûrîma, ivarûrûko na cianda na agaciîra atî: nie nîngaamûretithîria mbaara na nîngaacûkangia kûndû kûrîa mûgoocagîra ngai cia mîvuanano.

Hosea 11:6

Mbaara nîgecûra matûûrarî mao, nîngaunanga mîkîgo ya mîrango yao, na îmacûkangie marî kwao kûrîa kûgitîre.

Alawi 26:6

“Nî ngaamûva thayû vûrûrirî wenyu, na mûkaamamaga mûtagwîtigîra wanarî mûndû. Nî ngaathiria nyamû cionthe njûku vûrûrirî na mûtikaarûa na nthû cienyu rîngî.

Amosi 4:10

Nînamûretithîrie mûthiro ta ûrîa naretere andû a Misiri, nînaûragire anake enyu a mbaara na ngîoca mbarathi cienyu. Nînatûmire kûrîa mwambîte magema kûgîe na mûnungo wa ciimba, nwatî kûnarî ûguo mûtianjokerera.

Habakuku 3:5

Atûmaga mîrimû mbere yake, na gîkuû gîkarûmîrîra.

Ndari 14:12

Nîngûmarega na nîmaûrage na mûthiro, njoke ngûtue rûrîrî rûnene na rûrî na vinya kûmakîra.”

Ndari 16:49

Andû onthe arîa maakwire vîndî ya mûthiro ûcio maarî ngiri îkûmi na inya na magana mûgwanja (14,700) gûtatarîtwe arîa maakuire vîndî ya Kora.

Ndari 31:3

Kwoguo Musa nîwerire andû atîrî, “Varîriani andû a mbaara nîguo makatharîkîre Amidiani na mamaverithie nîûndû wa ûrîa meekire Ngai-Mûnene.

Luka 21:11

Kûndû kwîngî nîgûkaagîa na ithingithia inene, yûra, na mîrimû na kûgîe na maûndû ma kûmakania na ma kûgegania kuuma îgûrû.

Gûco 28:21

Ngai-Mûnene nîagaatûma mûnyitwe nî mîrimû mîcûku nginya îmûthirie muonthe mûrî vûrûrirî ûrîa mûthiîte gûtonya mûwîgwatîre.

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.

Atir 15:11

Kwoguo arûme ngiri ithatû (3,000) a Juda nîmaathiîre ngurungarî ya îthiga rîa Etamu na makîra Samusoni atîrî, “Nîkwa ûtaicî atî Afilisiti nîo matwathaga? Nîkwa ûtûîkîte atîa?” Nake Samusoni nîwamacokerie atîrî, “Nîramekire wata ûrîa wanao maambîkire.”