Elisha nîwevûgûrire. Na rîrîa oonire tûvîcî tûu, nîwatûrumire na rîîtwa rîa Ngai-Mûnene. Ngatûnyi igîrî cia nga nîciaumire na kûu kîthakarî na ikîûraga tûvîcî mîrongo îna na twîrî gatagatî ga tûvîcî tûu.
Nie Ngai-Mûnene nîmvangîte kûmaretera maûndû mana ma kûmathiria: maûragîrwe mbaararî, ngui imatambururange, marîwe nî iconi, na nyamû cia kîthaka imarîa imathirie.
“Nîngîtûma nyamû cia kîthaka ivîtûkîrîre vûrûri ûcio na ciûrage andû viû na ûtigwe ûtarî mûndû, na gûtuîke gûtirî mûndû ûngîvîtûkîrîra kuo nîûndû wa nyamû.
Kwoguo nîngaatûma kûgîe na yûra gatagatî kenyu na nîmûrekerie nyamû cia kîthaka irîe ciana cienyu. Nîmûkeethîrîrua nî mîrimû mîcûku, mbûragano na mbaara cia kûmûthiria. Nie Ngai-Mûnene nînie nauga ûguo.”
Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”
Vîndî ya Shamugari mûvîcî wa Anathu, na vîndî ya Jaeli, ikaari cia mbaara nîciatigire kûvîtûkîrîra vûrûrirî, andû arîa maathiîcaga na magûrû, maathiîcagîra rûtere rwa njîra.