Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Alawi 26:20 - ÎVUKU RÎA ÛVORO MWARO

20 Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

အခန်းကိုကြည့်ပါ။ ကော်ပီ




Alawi 26:20
21 ပူးပေါင်းရင်းမြစ်များ  

Wana warîma mûtheturî icio, gûtirî kîndû gîgaakûraga kuo. Ndûkaagîa na wîkaro na nîûtûûra ûrûûraga gûkû nthî.”


Kwoguo Elija nîwathiîre kwîyonithania kûrî Ahabu. Vîndî îo yûra rîarî rînene mûno kûu Samaria.


mîgûnda îo îrokûra mîgua vandû va ngano, na îmere ria vandû va cairi. Ciugo cia Ayubu nîciathira.


Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.


Tiga nyomba îtumirwe nî Ngai-Mûnene, arîa mamîtumaga marutaga wîra wa mana. Tiga Ngai-Mûnene amenyerere îtûûra, mûrangîri arutaga wîra wa mana.


We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.


Wana mwatûma îkûre mûthenya wa ûcio mwamîvanda, na mûtûme îrae kîraûko wa kîu mwamîvanda, wanarîo gûtikethîrwa na maciaro. Ûcio ûkethîrwa wî mûthenya wa kîeva na ruuo rûtangîthira.


Nwatî nînaugire atîrî, “Ndutîte wîra wa mana! Ndûmîrîte vinya yakwa na gûtirî ûndû ng'unîkîte naguo.” Kûnarî ûguo Ngai-Mûnene nîke ûkaanduîra ciira wakwa na kîvooto; na nîke ûkaandîva wîra wakwa.


Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”


Nîngarûgamia mambura make monthe, irugo ciake cia mwambîrîrio wa mweri na cia thavatû, na magongoona marîa mengî monthe matuîtwe.


nî ngaamurithîria mbura kavinda karîa kagîrîru, nîguo mîgûnda yenyu îgîcage na irio nyîngî na mîtî îciare matunda.


Anga tî kuuma kûrî Ngai-Mûnene mwene vinya wonthe, wîra wao mwîngî ûragîra mwakirî, na mavûrûri menogagia mana.


maûndû menyu mekariî atîa? Mwathiîre gwoca kîrûndo Kîam ngano mwîrîgîrîrîte kwona ithimo mîrongo îîrî, nwatî mwonire ithimo îkûmi tu. Mwathiîre îtangirî rîa ndivei mwîvokete gwîcûria mîtûngi mîrongo îtano, nwatî mwecûririe mîtûngi mîrongo îîrî tu.


Nie nînavandire mbegû, Apolo nîwetîrîrie mîmera manjî, nwatî Ngai nîke wamîvotithirie gûkûra.


Nîmûmakîtie mûno! Nwa gûtuîkîke atî wîra wakwa wonthe ûrîa naamûrutîre warî wa mana?


Mûngîkaagooca ngai ciîngî, Ngai-Mûnene nîakaarakara nîmue na atige kuurithia mbura na mîgûnda yenyu îng'aare na îtige kuuma kîndû. Nîmûgaacoka mûkuîre kuo narua, wana ethîrwa vûrûri ûcio Ngai-Mûnene akûmûva nî mwaro.


Ngai-Mûnene nîagaatûma ciana cienyu, maciaro ma mîgûnda yenyu na ndîthia ya ng'ombe na ng'ondu cienyu inyitwe nî kîrumi.


Mîtî yenyu yonthe na irio cia mîgûnda nîkaarîwa nî ngige.


Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ