Alawi 26:13 - ÎVUKU RÎA ÛVORO MWARO

¹³ Nie nînie Ngai-Mûnene, Ngai wenyu, ûrîa wamûrutire vûrûri wa Misiri nîguo mûtigatuîke ngombo ciao rîngî. Nînaamwovorire mînyororo îrîa mwovetwe nayo na ngîtûma mûthiîcage mûrî na wîyathi.”

Alawi 26:13 ပူးပေါင်းရင်းမြစ်များ

Thaburi 116:16

We Ngai-Mûnene, nie nîrî ndungata yaku; ndungata yaku, mwana wa ndungata yaku ya mûndûmûka. We nîûnjovorete mînyororo yakwa.

Ntha 14:8

Nake Ngai-Mûnene nîwatûmire ngoro ya mûthamaki wa Misiri yûma, na akîrûmîrîra andû a Isiraeli arîa maathiîre marî na ûmîrîru.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Isaia 51:23

Nîngaacoka nengere gîkombe kîu andû arîa makûnyariraga, arîa maakwîrire atî, ‘Mama nthî nîguo tûvîtûkîrîre îgûrû rîaku;’ arîa maatwire mûkurukuthu waku ta nthî, na magîûtua ta njîra na makavîtûkagîrîra îgûrû.”

Isaia 9:3

We Ngai-Mûnene, nîûtûmîte rûrîrî rûongerereke, nîûtûmîte rûgîe na gîkeno kînene. Nîmaracanjamûka marî mbere yaku, marî na gîkeno ta vîndî ya maketha, ta ûrîa andû makenaga rîrîa maragaana indo irîa matavîte.

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 28:2

“Ngai-Mûnene Mwene Vinya Wonthe, Ngai wa Isiraeli arauga atî: Nîmunîte îcoki rîa mûthamaki wa Babulonia.

Jeremia 28:4

Wana nîngûcokia Jekonia mûvîcî wa Jehoiakimu gûkû, vamwe na andû onthe a Juda arîa maatavîtwe makîvirwa Babulonia. Nîngaunanga îcoki rîa mûthamaki wa Babulonia. Ûguo nîguo nie Ngai-Mûnene nauga.”

Ezek 30:18

Mûthenya ûcio, Tehafinehesi nîûkaagîa nduma rîrîa ngaaunanga ûnene wa Misiri na nthirie vinya wao ûcio metîîaga naguo. Îtu nîrîgaakunîka vûrûri wa Misiri na andû a matûûra ma kuo mavirwe îthamîriorî.

Ezek 34:27

Mîtî îrîa îrî mîgûndarî nîgaaciara matunda, mîgûnda nîkaagîa na maketha meengî na nîigaatûûra na thayû vûrûrirî wacio. Rîrîa ngaatucanga mînyororo ya andû arîa maaituire ngombo, na nîivonokie kuuma kûrî o, nîikaamenya atî nie nînie Ngai-Mûnene.

Hosea 11:4

Namatongoririe na ntha na wendo wata ûrîa mûciari ocaga wa mwana akamwiga ciande, nwata guo wananie namekire. Nie nakuamîrîrie na ngîmava gîa kûrîa.

Alawi 25:38

Nie nînie Ngai-Mûnene, Ngai wenyu, ûrîa wamûrutire vûrûri wa Misiri nîguo nîmûve vûrûri wa Kanaani nîguo nduîke Ngai wenyu.

Alawi 25:42

Andû a Isiraeli nî ngombo ciakwa, na nînie naamarutire vûrûri wa Misiri. Matiagîrîrwe nî kwendua marî ngombo.

Alawi 25:55

Kwoguo andû a Isiraeli nî akwa, nî ndungata ciakwa irîa naarutire vûrûri wa Misiri. Nie nînie Ngai-Mûnene, Ngai wenyu.”

Nahumu 1:13

Rîu nîngûthiria vinya wa Asîria kuuma kûrî mue, na nîngûtucanga mînyororo îo mwovetwe nayo.”