Alawi 25:54 - ÎVUKU RÎA ÛVORO MWARO

⁵⁴ Ethîrwa tîakûûrwa na njîra îmwe ya icio, ke vamwe na ciana ciake nwanginya makaarekererua mwakarî ûcio wîngî wa mîrongo îtano.

Alawi 25:54 ပူးပေါင်းရင်းမြစ်များ

Isaia 49:25

Nwatî Ngai-Mûnene arauga atîrî, “Wana indo irîa itavîtwe nî andû njamba nîigoocwa, na andû arîa movetwe nî njamba irîa irî vinya nîmakaavonokua, nîûndû nie nînie ngaarûa na andû arîa marûaga nawe, na nîngaavonokia ciana ciaku.

Isaia 49:9

Nîûkera mîgwate atîrî, ‘Umani kûu njeera!’ Nao arîa marî ndumarî ûmeere atîrî, ‘Umîrani ûtherirî!’ Makonaga gîa kûrîa, kûrîa kuonthe makaavîtûkagîrîra, wana irîmarî ntheri nîmakoona gîa kûrîa.

Isaia 52:3

Nîûndû Ngai-Mûnene arauga atîrî, “Mue mwendirue ûkomborî gûtarî kîndû mûrutîrîtwe; na mûgaakûûrwa mûtakûrutîrwa mbeca.

Alawi 25:10

Ûguo nîguo mûkaamûra mwaka wa mîrongo îtano na mwanîrîre wîyathi kûrî andû onthe arîa matûûraga vûrûrirî ûcio. Indo cionthe irîa ikethîrwa ciendetue nîigaacokerua ene kana njiarwa ciao, nake mûndû wa wonthe wendetue arî ngombo nîagaacoka kwa andû ao.

Alawi 25:13

“Indo cionthe irîa ciendetue igaacokerua ene mwakarî ûcio wa mîrongo îtano.

Alawi 25:55

Kwoguo andû a Isiraeli nî akwa, nî ndungata ciakwa irîa naarutire vûrûri wa Misiri. Nie nînie Ngai-Mûnene, Ngai wenyu.”