Alawi 25:36 - ÎVUKU RÎA ÛVORO MWARO

³⁶ Mûtikamwîtie maciaro ma kîrîa mûmûkombithîtie, nwatî athîkagîrani Ngai na mûtûûranie na Mûisiraeli ûrîa wîngî.

Alawi 25:36 ပူးပေါင်းရင်းမြစ်များ

Ntha 22:25

“Mûndû ûgaakombithia ûmwe wa andû akwa arîa athîni mbeca, ndagatuîke ta mûndû ûrîa ûkombithanagia mbeca agîa na maciaro.

Ezek 18:8

Ethîrwa mûndû ûcio ndakovithanagia kîndû nîguo akaarîvwa kîndû kîu kîrî na umithio, nîerigagîrîria ndakavîtie, na atuithanagia ciira na kîvooto gatagatî ka mûndû ûrîa ûkovete na ûrîa ûkovithanîtie.

Ezek 18:17

Kethîrwa nîemenyagîrîra nîguo ndakaavîtîrie mûndû mûthîni, ndetagia umithio wa indo irîa akovithanîtie, na nîathîkagîra watho wakwa na akarûmîrîra irîra ciakwa; mûndû ta ûcio ndagaakua nîûndû wa mavîtia ma îthe. Na ma nî agaatûûra mwoyo.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Alawi 25:17

Mûtikaveenie Aisiraeli arîa engî, nwatî mwîtigagîre Ngai-Mûnene, Ngai wenyu.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Thaburi 15:5

Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Alawi 25:37

Mûtikamûkombithie mbeca atî nîguo akaarîva na maciaro, na mûtikamûnengere irio atî nîguo akaamûrîva irî nyîngaîngî.

Isaia 24:2

Andû onthe nîmakaanyitwa nî maûndû mau: ûrîa gûgekara kûrî andû arîa engî, nwaguo gûgekara kûrî athînjîri-Ngai; kûrî ngombo, na kûrî mûmîathi; kûrî ndungata ya mwîrîtu, na kûrî mûndûmûka mûmîathi; kûrî mûgûri wa indo, na kûrî mwendia wa indo; kûrî mûvecani, na kûrî mûvewa; kûrî mûkovi wa kîndû, na kûrî mûkovithania.

Jeremia 15:10

Nyanya, kaî nîrî na thîna-î! Wanjiarire nîkî, nîûndû ndûûraga ngucanagia na andû vûrûrirî wonthe? Ndianakombithia mûndû kana ngoba kûrî mûndû, nwatî andû onthe nîmaranuma.

Ntha 22:24

nanie nîngaarakara na nîmûragithîrie mbaararî. Nao aka enyu nîmagaatuîka a ndigwa nacio ciana cienyu itigwe itarî na methe.

Nehemia 5:3

Nao engî nîmaaugaga atîrî, “Tue twanenganîre mîgûnda yetû, mîtî yetû ya mîthavibu na nyomba cietû nîguo twone irio cia kûrîa tûtigakue nî yûra.”