Alawi 25:23 - ÎVUKU RÎA ÛVORO MWARO

²³ “Mûtiagîrîrwe nî kwendia mûgûnda wenyu viû, nîûndû tî wenyu. Nî wakwa, na mue mûrî ageni evîtûkîri arîa etîkîrie gûûtûmîra.

Alawi 25:23 ပူးပေါင်းရင်းမြစ်များ

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

1Atha 21:3

Nwatî Nabothi nîwerire Ahabu atîrî, “Nevîta na rîîtwa rîa Ngai-Mûnene atî ûguo ûroûra nîngînenganîra mûgûnda ûyû wa mîthavibu nîûndû naaûgaire kuuma kûrî methe makwa!”

1Maû 29:15

Tûrî ageni na evîtûkîri methorî maku, wata ûrîa methe metû mekariî. Kavinda getû gûkû nthî gekariî ta kîruru, tûtirî na kîîrîgîrîro.

2Maû 7:20

nîngaamûruta vûrûrirî ûrîa nîmûvete na ndiganîrie hekarû îno nyamûrîte îtuîke vandû va kûngoocagîra. Andû a mavûrûri monthe nîmakaamîvûthîrîria na mamînyarare.

Thaburi 119:19

Nie nîrî mûgeni gûkû nthî; ndûkanthithe maathani maku.

Thaburi 24:1

Nthî na indo cionthe irîa irî kuo nî cia Ngai-Mûnene, nthî nî yake wana andû onthe arîa matûûraga kuo nî ake.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

Thaburi 39:13

Tiga kûrakara nînie nîguo ngîe na gîkeno kînini, mbere ya ngua na ndiganîre viû.

Thaburi 85:1

We Ngai-Mûnene, nîwîguîrîrîte vûrûri waku ntha; nîûtûmîte Jakovu athatûkwa rîngî.

Ntha 19:5

Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 2:22

na mûka wa Musa agîciara kaana ga kavîcî. Musa nîweîrire na ngoro atîrî, “Nie nîrî mûgeni vûrûrirî ûyû, kwoguo kaana gaka nînîgeta Gerishomu.”

Isaia 8:8

Mwîcûro wa rûnjî rûu ûkaanyagania vûrûrirî wa Juda, na manjî mengîve mûno mecûre vûrûri wonthe. Nwatî Ngai arî vamwe natue, mathagu make matambûrûkîte kûndû kuonthe nîguo makunîkîre vûrûri wake.”

Ezek 48:14

Gîcunjî kîrîa Kîammûrîre Ngai-Mûnene nîkîo Kîamro mûno vûrûrirî. Gîtikendua kana gîkûrananue kana kîgaîrwe mûndû wana ûrîkû, nîûndû nî kîtheru na nîkîa Ngai-Mûnene.

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Joeli 2:18

Ngai-Mûnene nîwacokire akîonania wendo wa vûrûri wake, na akîguîra andû ake ntha.

Joeli 3:2

Nîngaûngania mavûrûri monthe vamwe, na nîmavire Kîamndarî gîa îtuîro. Vau nîvo ngaamatuîra, nîûndû wa maûndû marîa mekîte andû akwa. Nîmanyaganîtie Isiraeli mavûrûrirî mageni, na makagaania Isiraeli, vûrûri wakwa.

Alawi 25:10

Ûguo nîguo mûkaamûra mwaka wa mîrongo îtano na mwanîrîre wîyathi kûrî andû onthe arîa matûûraga vûrûrirî ûcio. Indo cionthe irîa ikethîrwa ciendetue nîigaacokerua ene kana njiarwa ciao, nake mûndû wa wonthe wendetue arî ngombo nîagaacoka kwa andû ao.

Alawi 25:24

“Vîndî îrîa mûgûnda ûkwendua, mûndû ûrîa warî mwene guo mbere nwanginya avewe kamweke ga kûûgûra arî wa mbere.

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.