Alawi 25:21 - ÎVUKU RÎA ÛVORO MWARO

²¹ Nie, Ngai-Mûnene nî ngaarathima mîgûnda mwakarî wa gatandatû na nî gûkaauma irio irîa mûkaarîa îvinda rîa mîaka îîrî.

Alawi 25:21 ပူးပေါင်းရင်းမြစ်များ

Kîam 26:12

Mwaka ûcio Isaka nîwavandire mbeû mûgûndarî ûcio, na nîwakethire maita îgana rîa mbeû îrîa aavandîte, nîûndû Ngai-Mûnene nîwamûrathimîte.

Kîam 41:47

Mîakarî îo mûgwanja ya maketha, vûrûri wa Misiri nîwagîre na irio nyîngî.

Thaburi 133:3

Nîta îme rîa kîrîma Kîam Herimoni, rîrîa rîgûcaga irîmarî cia Zayuni. Kûu nîkuo Ngai-Mûnene eranîrîte nîakaarathima andû ake, na kûmava ûtûûro ûtathiraga.

Ntha 16:29

Menyani atî nie nînie Ngai-Mûnene, na nînîmûvete mûthenya wa kûvurûka. Kîu nîkîo gîtûmaga wa mûthenya wa gatandatû nîmûva irio mbîganu cia mîthenya îîrî. Mûthenya wa mûgwanja wa mûndû nîekarage gwake na ndakaumagare athiî kûndû.”

Ntha 16:5

Nwatî mûthenya wa gatandatû, wa mûndû akaaûnganagia maita maîrî ma irîa aûnganagia wa mûthenya na aivaarîrie.”

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Ezek 34:26

“Nîngaairathima na nîigaatûûra mîenarî ya kîrîma gîakwa Kîammûre. Nîngaaciurithagîria mbura vîndî îrîa yagîrîrîte na nîgaatuîka mbura ya kîrathimo.

Alawi 25:4

Nwatî mwaka wa mûgwanja mûtikarîme mîgûnda. Mwaka ûcio nî thavatû ya Ngai-Mûnene. Mûtikavandage irio mîgûndarî yenyu kana mûmenyerera mîgûnda yenyu ya mîthavibu.

Alawi 25:6

Wana ethîrwa mîgûnda îo ndîkaarîmwa mwaka ûcio, nîgûkaauma irio cienyu, cia ngombo cienyu, cia andû arîa mwandîkîte, cia ageni arîa mûtûûranagia nao,

2Akor 9:10

Ngai ûrîa ûvecaga mûrîmi mbeû ya kûvanda na akamûva mûgate wa kûrîa, nwake ûkaamûva mbeû îrîa mûvatarîte. Nîûndû wa ûtaana wenyu Ngai nîagaatûma mbeû îo îkûre na îngîvie maketha.

Gûco 28:3

“Ngai-Mûnene nîakaamûrathima mûrî matûûrarî menyu na mûrî mîgûndarî yenyu.

Gûco 28:8

“Ngai-Mûnene Ngai wenyu nîakaarathima mawîra menyu monthe, na atûme makûmbî menyu mecûre irio, acoke atûme mwîngîve mûrî vûrûrirî ûrîa akûmûva.